طاقت بیلٹ باکس کے ذریعے ہی آتی ہے: آصف زرداری


zardariسابق صدر اور پاکستان پیپلز پارٹی پارلیمنٹرینز کے سربراہ آصف علی زرداری نے کہا ہے کہ یہ جاننا ضروری ہے کہ طاقت بیلٹ باکس کے ذریعے ہی آتی ہے یا گولی کے ذریعے، موجودہ حالات میں بھٹو کے فلسفہ پر عمل کرنے کی اہمیت بڑھ گئی ہے۔
سابق وزیر اعظم ذوالفقار علی بھٹو کی برسی کے موقع پر ایک پیغام میں سابق صدر آصف علی زرداری کا کہنا تھا کہ طاقت بیلٹ باکس کے ذریعے آتی ہے، گولی کے ذریعے نہیں، موجودہ مشکل حالات میں طاقت عوام کی بجائے غیر منتخب قوتوں کی طرف منتقل ہو رہی ہے، ایسے حالات میں بھٹو کے فلسفہ پر عمل کی جس قدر ضرورت ہے پہلے نہیں تھی۔ بھٹو نے قوم کو امید کی روشنی دی ان کے کارناموں کو کوئی نہیں بھلا سکتا، آج ہمیں خود کو جمہوریت کے لئے وقف کرنے کا عزم کرنا ہو گا۔


Comments

FB Login Required - comments