انڈیا کی پہلی خاتون لڑاکا پائلٹ
پاکستان کی فضائیہ میں خواتین پائلٹس کو شامل کیے جانے کے بعد انڈیا کی فضائیہ نے بھی خواتین کو لڑاکا پائلٹس کی حیثیت سے شامل کرنا شروع کر دیا ہے اور بایوانی چترویودی انڈیا کی پہلی خاتون لڑاکا پائلٹ بن گئی ہیں۔
انڈین فضائیہ کی جانب سے جاری کیے گئے ایک بیان کے مطابق 24 سالہ ایوانی نے رواں ہفتے مگ 21 لڑاکا طیارہ تیس منٹ تک اڑا کر یہ اعزاز حاصل کیا۔
پاکستانی خاتون پائلٹ جنگی طیارے کے حادثے میں ہلاک
بی بی سی سے بات کرتے ہوئے انڈین فضائیہ ترجمان کا کہنا تھا کہ ایک خاتون کا لڑاکا پائلٹ بننا ملک کی مسلح افواج کی تاریخ میں ایک بڑا دن ہے۔
ایوانی چترویودی کا شمار انڈیا کی فضائیہ میں شمولیت اختیار کرنے والی پہلی خاتون پائلٹوں میں ہوتا ہے۔
انڈیا کی فضائیہ کی جانب سے سماجی رابطوں کی سائٹ ٹوئٹر پر بھی ایک تصویر جاری کی گئی ہے۔ اگرچہ ایوانی نے یہ پرواز رواں ہفتے پیر کو کی تھی لیکن اس کے حوالے سے سرکاری موقف جمعرات کو سامنے آیا ہے۔
ایوانی کے علاوہ دو مزید خاتون پائلٹس بھاونا کانتھ اور موہانا سنگھ کی بھی تربیت جاری ہے اور وہ جلد ہی لڑاکا طیارہ اڑائیں گی۔
خیال رہے کہ پاکستان کی فضائیہ میں اس وقت تقریباً 20 خاتون لڑاکا پائلٹس خدمات سرانجام دے رہی ہیں۔
پاکستان نے سنہ 2006 میں خاتون لڑاکا پائلٹوں کی بھرتی شروع کی تھی۔
- امریکی محکمہ خارجہ کی سالانہ رپورٹ میں عمران خان اور ان کی جماعت کے بارے میں کیا کہا گیا اور کیا یہ پاکستان کے لیے مشکلات کھڑی کر سکتا ہے؟ - 25/04/2024
- چڑیا گھر میں سات سال تک نر سمجھا جانے والا دریائی گھوڑا مادہ نکلی - 25/04/2024
- امریکہ کی جانب سے فراہم کردہ 61 ارب ڈالر کی عسکری امداد یوکرین کو روس کے خلاف کیسے فائدہ پہنچائے گی؟ - 25/04/2024
Facebook Comments - Accept Cookies to Enable FB Comments (See Footer).