وزیر کوٹ کسی جگہ کا نام نہیں


\"naseer وزیر کوٹ کسی جگہ کا نام نہیں
تو پھر وہ کیا ہے،
کس اٹلس کا علاقہ ہے،
کون سی نقطہ گاہ ہے
جہاں وہ دھرتی کا ابھار بن کر
حالتِ دوام میں لیٹا ہوا
زمانوں کا سکوت نظما رہا ہے

وزیر کوٹ، جہاں میں کئی بار گیا ہوں
اور پاپلر کی لمبی قطاروں کے درمیان
ایک مدبر سائے کے ساتھ سیر کرتے ہوئے
\"wazir2\"کتنی جگہوں اور نا جگہوں سے گزرا ہوں
جہاں کتابوں کے ڈھیر میں بچھے ہوئے
صوفوں پر
لوگوں کے بجائے لفظوں کو
آرام کرتے ہوئے دیکھا
اور بُھنے ہوئے پنیر اور چائے کی تواضع میں
دو چھوٹی چھوٹی آنکھوں کو
آنے والوں کی محبت
اور خوشی سے لبریز پایا

وزیر کوٹ کسی جگہ کا نام نہیں
\"wazir\"وزیر کوٹ ایک شخص تھا
شخصیت سے اٹا اٹ
آنکھوں، سایوں، باتوں اور لفظوں سے بھرا ہوا
جو کسی کو خالی نہیں ہونے دیتا تھا!

(وزیر آغا کی یاد میں)


Comments

'ہم سب' کا کمنٹس سے متفق ہونا ضروری نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔

اسی بارے میں: ۔  ’آپ معذور ہیں تو آپ کے ریپ سے کیا ملے گا؟‘

2 thoughts on “وزیر کوٹ کسی جگہ کا نام نہیں

  • 06-04-2016 at 4:08 pm
    Permalink

    ” ایک مدبر سائے کے ساتھ سیر کرتے ہوئے
    کتنی جگہوں اور نا جگہوں سے گزرا ہوں“
    ” وزیر کوٹ ایک شخص تھا
    شخصیت سے اٹا اٹ“
    اتنی مختصر نظم کا آہنگ بھی اتنا بلند ہے کہ دونوں شخصیات کا ایک قوسی امیج بنا دکھائی دینے لگتا ہے۔ ایک مدبر اور ذہین قوسی امیج

  • 10-04-2016 at 2:59 pm
    Permalink

    وزیر کوٹ ایک شخص تھا
    آنکھوں، سایوں ، اور لفظوں سے بھرا ہوا
    جو کسی کو خالی نہیں ہونے دیتا تھا

    جب آپ جیسے بھرے ہوئے لوگ ان سے ملتے جاتے تھے تو وزیر کوٹ کا دامن مزید تتلیوں اور جگنوؤں جیسی باتوں بھر جاتا تھا۔

Comments are closed.