پاکستان کی ایٹمی صلاحیت اپنی سلامتی کے لیے ہے : ملیحہ لودھی


maliha lodhiاقوام متحدہ میں پاکستان کی مستقل مندوب ملیحہ لودھی کا کہنا ہے کہ پاکستان کی ایٹمی صلاحیت جنوبی ایشیا میں طاقت کے توازن اور اپنی سلامتی کیلئے ہے۔
نیویارک میں اقوام متحدہ کے جوہری تخفیف اسلحہ کمیشن میں خطاب کے دوران پاکستان کی مستقل مندوب ملیحہ لودھی نے عالمی جوہری طاقتوں کے دوہرے معیار پر شدید تنقید کی، انہوں نے کہا کہ پاکستان کی ایٹمی صلاحیت جنوبی ایشیا میں طاقت کے توازن اور اپنی سلامتی کے لئے ہے لیکن کچھ ایٹمی ممالک نے عدم پھیلاو¿ کے اصولوں کے برخلاف امتیازی جوہری معاہدے کر رکھے ہیں، طاقتور ممالک کا دوہرا معیار دوسرے ممالک میں عدم تحفظ کا احساس پیدا کرتا ہے۔
ملیحہ لودھی نے کہا کہ اسلحہ کی دوتہائی برآمدات دنیا کے چار ممالک کر رہے ہیں، طاقتور ممالک دوسروں کو جوہری ہتھیاروں سے پرہیز کی تاکید کرتے ہیں لیکن اپنے ایٹمی ہتھیاروں کو کم نہیں کرتے، اس لیے پاکستان ایف ایم سی ٹی جیسے امتیازی اور غیر مساویانہ معاہدے کو تسلیم نہیں کرتا۔


Comments

FB Login Required - comments