رائیونڈ چیک پوسٹ پر دھماکہ، کم از کم چار افراد ہلاک

ڈی آئی جی آپریشنز حیدر اشرف نے تصدیق کی ہے کہ کم از کم تین پولیس اہلکار اور ایک عام شہری ہلاک ہوئے ہیں۔ اور یہ کہ بظاہر حملے کا ہدف پولیس اہلکار ہی تھے۔ حملے کا نشانہ بننے والی چیک پوسٹ مذہبی اجتماع کے باہر موجود تھی۔

رائے ونڈ میں ہونے والے اس سالانہ مذہبی اجتماع کے لیے سکیورٹی کے خصوصی انتظامات کیے گئے تھے۔ وزیرا علیٰ پنجاب محمد شہبازشریف کی رائے ونڈ روڈ پر دھماکے کے واقعہ کی شدید مذمت۔انھوں نے وزیر اعلیٰ نے انسپکٹر جنرل پولیس سے رپورٹ طلب کر لی۔

وزیرِ اعلی پنجاب کی جانب سے واقعے کی تحقیقات کا حکم دے دیا گیا اور حکام کو ہدایت جاری کی گئی ہے کہ دھماکے میں زخمی ہونے والوں کو علاج معالجے کی بہترین سہولتیں فراہم کی جائیں۔