افغانستان کے سپنر راشد خان 100 وکٹیں لینے والے تیز ترین بولر بننے والے ہیں
افغانستان کے لیگ سپنر راشد خان ایک روزہ میچوں میں 100 وکٹیں حاصل کرنے والے تیز ترین بولر بننے والے ہیں۔
راشد خان کے پاس اس وقت 43 ایک روزہ میچوں میں 99 وکٹیں ہیں جبکہ موجود ریکارڈ ہولڈر آسٹریلیا کے مچل سٹارک ہیں جنھوں نے اپنی 100ویں وکٹ 52ویں میچ میں حاصل کی تھی۔
جمعے کو افغانستان اور آئرلینڈ کے درمیان کھیلے گئے میچ میں راشد خان نے 40 رنز دے کر 3 وکٹیں حاصل کیں۔
ایک روزہ میچوں میں 100 وکٹیں مکمل کرنے والے تیز ترین بولرز | |
---|---|
مچل سٹارک | 52 میچ |
ثقلین مشتاق |
53 میچ |
شین بونڈ |
54 میچ |
بریٹ لی |
55 میچ |
راشد خان |
42 میچوں میں 99 وکٹیں |
19 سالہ راشد خان کا اس ریکارڈ کے انتے قریب آنا اس لیے بھی انتہائی شاندار ہے کیونکہ 50 وکٹیں حاصل کرنے والے تیز ترین بولرز میں ان کا آٹھواں نمبر تھا جو کہ انھوں نے 26 میچوں میں مکمل کیا تھا۔ اس کا مطلب ہے کہ انھوں نے اس کے بعد 17 میچوں میں 46 وکٹیں لے لیں ہیں۔
ایک روزہ میچوں میں کم از کم 1000 گیندیں کروانے والے بولرز میں راشد کی ایوریج (اوسط) 14.12 فی وکٹ، اور سٹرائیک ریٹ 21.4 گیندیں فی وکٹ بھی بہترین ہیں۔
تاہم کیونکہ افغانستان دنیا کی بہترین ٹیموں کے خلاف قدرے کم کھیلتے ہیں، راشد خان کی 40 وکٹیں زمبابوے کے خلاف اور 33 ائرلینڈ کے خلاف ہیں۔ ان کے کیریئر کی بہترین بولنگ 18 رنز کے عوض 7 وکٹیں انھوں نے جون 2017 میں ویسٹ انڈیز کے خلاف حاصل کیں۔
Facebook Comments - Accept Cookies to Enable FB Comments (See Footer).