صبا قمر کا سگریٹ پیتے ہوئے فوٹو وائرل کیوں ہوا؟


ماڈل و اداکارہ صبا قمر بھی خواتین کے سگریٹ نوشی کے مخالفین کو جواب دینے میدان میں آگئیں۔

 سوشل میڈیا ویب سائٹ انسٹاگرام پر پاکستان سمیت بھارت میں اپنی اداکاری کا لوہا منوانے والی اداکارہ صبا قمر نے خواتین کے سگریٹ نوشی کی مخالفت کرنے والوں کے لیے ایک تصویر شیئر کی جس میں وہ ہونٹوں کے درمیان سلگتا ہوا سگریٹ رکھے ہوئے ہیں اور سگریٹ سے دھواں اٹھا دکھائی دے رہا ہے۔
 تصویر کے ساتھ کیپشن میں صبا قمر نے خواتین کی سگریٹ نوشی کے ناقدین کو طنزیہ انداز میں جواب دیا کہ مرد پئیں تو واہ اور ہم پئیں تو ہا۔۔ تم کھاو تو چپس، ہم کھائیں تو آلو، انہوں نے ساتھ میں یہ بھی لکھا کہ سگریٹ نوشی سب کے لیے نقصان دہ ہے صرف خواتین کے لیے نہیں۔
واضح رہے صبا قمر کا خواتین کی سگریٹ نوشی پر یہ ردعمل پاکستانی اداکارہ ماہرہ خان کے سگریٹ پینے کے اسکینڈل سامنے آنے کے کچھ دن بعد آیا۔ ماہرہ خان کے اس اسکینڈل میں جہاں شوبز سے وابستہ افراد نے ماہرہ خان کی حمایت کی تو وہی سوشل میڈیا صارفین نے خواتین کی سگریٹ نوشی کی مخالفت کرتے ہوئے اداکارہ کو تنقید کا نشانہ بنایا۔
image_pdfimage_print

Comments - User is solely responsible for his/her words

اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں