چین: ڈریگن کشتی کے حادثے میں 17 افراد ہلاک
جنوبی چین میں ایک ڈریگن کشتی کے حادثے میں 17 افراد ہلاک ہو گئے ہیں۔ حادثے کے بارے میں خیال کیا جا رہا ہے کہ اس کی وجہ کشتی کو لگنے والا بجلی کا شدید جھٹکا ہو سکتا ہے۔
ٹی وی پر دکھائی جانے والی تصاویر میں دیکھا جا سکتا ہے کہ سنیچر کے روز ایک لمبی کشتی جو کہ کشتی رانوں سے بھری ہوئی تھی پانی میں الٹ گئی جبکہ دوسری جانب سے اسی مقام پر آنے والی ایک اور کشتی بھی ڈوب گئی۔
گوئلن شہر میں دریا کے بالکل بیچ میں کل 60 افراد پانی میں تقریباً ڈوب گئے تھے۔
امدادی کارکنوں نے 40 افراد کو پانی سے نکال لیا تھا۔
چینی خبر رساں ادارے شنہوا کے مطابق حادثے کے بعد تقریباً 200 امدادی کارکنوں کو اس مقام کی جانب بھیجا گیا۔
سی سی ٹی وی کے براڈکاسٹر کا کہنا ہے کہ یہ حادثہ اس جگہ پر پیش آیا ہے جہاں دریا کے پانی کے دو بہاؤ ایک جگہ ملتے ہیں اور اس سے شدید بجلی کا جھٹکا پیدا ہوتا ہے۔
ذرائع ابلاغ کی خبروں کے مطابق پانی میں الٹنے والے زیادہ تر افراد نے جان بچانے والی جیکٹیں نہیں پہن رکھی تھیں۔
ان خبروں کے مطابق اس مشق کا انعقاد پولیس کو بتائے بغیر ہی کیا گیا تھا جس کے وجہ سے دو منتظمین کو حراست میں لے لیا گیا ہے۔
خیال رہے کہ ڈریگن بوٹ ریسنگ ایشیا میں کافی مقبول ہے اور چین میں تو ڈریگن بوٹ فیسٹیول روایتی چھٹیوں کے طور پر منایا جاتا ہے جس دوران ملک بھر میں ان کے مقابلوں کا انعقاد کیا جاتا ہے۔
- خاتون فُٹ بال شائق کو گلے لگانے پر ایرانی گول کیپر پر 30 کروڑ تومان جُرمانہ عائد: ’یہ تاریخ میں گلے ملنے کا سب سے مہنگا واقعہ ثابت ہوا‘ - 24/04/2024
- ’مغوی‘ سعودی خاتون کراچی سے بازیاب، لوئر دیر سے تعلق رکھنے والا مبینہ ’اغوا کار‘ بھی زیرِ حراست: اسلام آباد پولیس - 24/04/2024
- جنوبی کوریا کے ’پہلے اور سب سے بڑے‘ سیکس فیسٹیول کی منسوخی: ’یہ میلہ خواتین کے لیے نہیں کیونکہ ٹکٹ خریدنے والے زیادہ تر مرد ہیں‘ - 24/04/2024
Facebook Comments - Accept Cookies to Enable FB Comments (See Footer).