اگر دونوں کوریاؤں میں امن ہو سکتا ہے تو انڈیا پاکستان میں کیوں نہیں؟
جیسے ہی شمالی اور جنوبی کوریا کے رہنماؤں کی طرف سے تاریخی ملاقات کے بعد جزیرہ نما کوریا کو جوہری ہتھیاروں سے پاک کرنے کے لیے مل کر کام کر نے پر اتفاقِ رائے کی خبر سامنے آئی تو یہ ٹوئٹر پر بھی ٹرینڈ کرنے لگی۔
جہاں دنیا بھر سے لوگوں نے اس کا خیرمقدم کیا، وہیں برصغیر میں لوگوں نے ٹوئٹر پر اس خبر کے حوالے سے ایک دلچسپ پہلو کو اجاگر کیا۔
کئی صارفین نے شمالی اور جنوبی کوریا کی بات کرتے ہوئے انڈیا اور پاکستان کے درمیان اسی طرح کے امن کے امکان کا ذکر شروع کیا ہے۔
کوریائی رہنماؤں کے درمیان بات چیت کے بارے میں مزید پڑھیے
’جزیرہ نما کوریا کو جوہری ہتھیاروں سے پاک کرنے کا عزم‘
جزیرہ نما کوریا میں ’امن کے لیے نئے دور کا آغاز‘
انڈین طالب علم گُرمر کور کے والد انڈین فوج میں افسر تھے اور کارگل کی لڑائی میں مارے گئے تھے اور وہ خود پچھلے سال پاکستان کے ساتھ امن کے حوالے سے ایک مہم کا حصہ تھیں اور اسی وجہ سے انہیں کاگی ٹرول بھی کیا گیا تھا۔
انہوں نے ٹوئٹر پر لکھا کہ ’اگر شمالی اور جنوبی کوریا امن کی بات کر سکتے ہیں، تو پھر انڈیا پاکستان کے درمیان بات چیت نہ ہونے کی وجہ صرف حکومت کا ایسا کرنے سے انکار ہے۔ اور وہ اس لیے کہ تنازعے کے نام پر ووٹ حاصل کرنا سب سے آسان ہے۔ اب وقت آ گیا ہے۔‘
https://twitter.com/mehartweets/status/989842395687632896
ٹوئٹر صارف سنجیو بھٹ آئی پی ایس، جو کہ انڈین پولیس کے سابق افسر رہ چکے ہیں، انہوں نے ٹویٹ کی کہ ’پیارے انڈینز اور پاکستانیوں، اگر شمالی اور جنوبی کوریا ایک نئی شروعات کر سکتے ہیں تو پھر انڈیا اور پاکستان کیوں ماضی میں الجھے رہیں؟ آئیں ہم بھی ایک نئی شروعات کریں، اور دوست بن کر دنیا میں آگے بڑھیں!‘
https://twitter.com/sanjivbhatt/status/989834237925785600
پاکستانی گلوکار فرحان سعید نے بھی اسی طرح کے جذبے کا اظہار کرتے ہوئے ٹویٹ کی، ’پاکستان اور انڈیا کو کوریا سے کچھ سیکھنا چاہیے۔ آئیں یہ بات ختم کریں اور مل کر آگے بڑھیں۔‘
کوریائی رہنماؤں کے درمیان بات چیت کے حوالے سے مزید پڑھیے
جب کم جونگ اُن نے جنوبی کوریا میں قدم رکھا: ویڈیو
شمالی کوریا اور جنوبی کوریا کے سربراہوں کی تاریخی ملاقات: ایجنڈا کیا ہے؟: ویڈیو
https://twitter.com/farhan_saeed/status/989842190749847557
انڈیا اور پاکستان کا ویسے تو شمالی اور جنوبی کوریا کے ساتھ کوئی براہ راست تعلق نہیں، لیکن ایسا لگتا ہے کہ امن کے خواہشمند اپنی امیدوں کا اظہار کرتے رہیں گے!
- جنوبی کوریا کے ’پہلے اور سب سے بڑے‘ سیکس فیسٹیول کی منسوخی: ’یہ میلہ خواتین کے لیے نہیں کیونکہ ٹکٹ خریدنے والے زیادہ تر مرد ہیں‘ - 24/04/2024
- ’نیتزہ یہودا‘: انتہائی قدامت پسند یہودی نوجوانوں پر مشتمل اسرائیلی فوج کے یونٹ کو ممکنہ امریکی پابندیوں کا سامنا کیوں ہے؟ - 24/04/2024
- برطانیہ میں مقیم جنوبی ایشیائی نوجوانوں کے ڈیٹنگ مسائل: ’ہمارے والدین کو نہیں معلوم کہ ہم خفیہ زندگیاں جی رہے ہیں‘ - 24/04/2024
Facebook Comments - Accept Cookies to Enable FB Comments (See Footer).