غزہ میں دھماکے سے چھ فلسطینی ہلاک


TV footage of smoke from Gaza explosion. 5 May 2018

Reuters
دھماکے کے مقام سے دھواں اٹھتا دکھائی دے رہا ہے

طبی حکام کا کہنا ہے کہ غزہ کی پٹی پر ہونے والے ایک دھماکے میں کم از کم چھ فلسطینی ہلاک اور بعض زخمی ہو گئے ہیں۔

دیر البلاح میں ہونے والے اس دھماکے کی وجوہات معلوم نہیں ہو سکیں۔

حماس کے عسکری گروہ نے اس دھماکے لیے اسرائیل پر الزام عائد کیا ہے جبکہ اسرائیلی فوج کا کہنا ہے کہ وہ اس میں ملوث نہیں۔

فلسطینی ذرائع نے بتایا کہ ایک اسرائیلی اخبار نے مرنے والوں کو حماس کا رکن بتایا ہے۔

فلسطین اسرائیل تنازعے کا کوئی دوسرا حل نہیں: اقوام متحدہ

اسرائیلی فوج کے ہاتھوں مزید دس فلسطینی ہلاک

’اسرائیل اور فلسطین یکطرفہ کارروائی سے گریز کریں‘

ذرائع کے مطابق غالباً دھماکہ ایک عمارت میں باردوی مواد کے ساتھ کام کرتے ہوئے پیش آیا۔

علاقے میں اس وقت کشیدگی عروج پر ہے اور غزہ اور اسرائیل کی سرحد پر فلسطینی اور اسرائیلی فوج میں جھڑپں ہو چکی ہے اور وہاں ایک ماہ سے احتجاج جاری ہے۔

اسرائیل کا کہنا ہے کہ حماس گروہ نے حملے کرنے کی غرض سے یہ مظاہرے شروع کروائے ہیں۔

سنیچر کو اسرائیل نے الزام عائد کیا کہ حماس نے گیس پائپ لائن اور غزہ میں انسانی امداد پہنچانے والے راستے کو نقصان پہنچانے کے لیے وہاں آگ لگائی۔

https://twitter.com/IDFSpokesperson/status/992832668801921026

سنیچر کو ہونے والے اس دھماکے کے بعد ٹیلی وژن مناطر میں ساحل کے قریب سیاہ دھواں اٹھا ہوا دیکھا جا سکتا ہے۔

اسرائیلی دفاعی فورسز کا کہنا ہے کہ وہ اس واقعے میں ملوث نہیں ہے۔

نامہ نگاروں کے مطابق ماضی میں غزہ میں ہونے والے دھماکے اسرائیلی فضائی حملوں کا نتیجہ ہوا کرتے تھے۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 4859 posts and counting.See all posts by british-broadcasting-corp