ثنا چیمہ کو گلا گھونٹ کر قتل کیا گیا: پوسٹ مارٹم رپورٹ
پاکستان میں صوبہ پنجاب کے ضلع گجرات میں حال ہی میں مشکوک حالات میں ہلاک ہونے والی پاکستانی نژاد اطالوی خاتون کی پوسٹ مارٹم رپورٹ کے مطابق انھیں گلا گھونٹ کر مارا گیا۔
ضلع گجرات کے علاقہ کنجاہ کی پولیس نے 26 سالہ ثنا چیمہ کو ’غیرت کے نام پر قتل‘ کرنے کے الزام میں ان کے والد اور بھائی کو حراست میں لے لیا ہے۔
ثنا چیمہ کی موت طبعی یا قتل، قبر کشائی کی جائے گی
ثنا چیمہ کی موت کی گتھی تاحال سلجھ نہ سکی
ثنا چیمہ کی حتمی پوسٹ مارٹم رپورٹ عزیز بھٹی شہید ہسپتال گجرات کی ڈاکٹر نے لاہور کی پنجاب فرانزک سائنس ایجنسی کی کیمیائی تجزیے کی رپورٹ آنے کے بعد بدھ کے روز جاری کی۔
گجرات سرکل کے ایس ڈی پی او عرفان الحق سلہریا نے بی بی سی کو بتایا کہ پولیس کو موصول ہونے والی رپورٹ میں ڈاکٹر نے اس بات کی تصدیق کی ہے کہ ثنا چیمہ کو گلا گھونٹ کر مارا گیا۔
’ہم اس کو غیرت کے نام پر قتل کے مقدمے کے طور پر دیکھ رہے ہیں اور اس الزام میں مقتولہ کے والد اور بھائی کو گرفتار کر لیا گیا ہے۔‘
اطالوی شہری ثنا چیمہ کی موت 18 اپریل کو ہوئی تھی۔ اس کے ایک روز بعد انھیں اٹلی کے لیے واپس جانا تھا۔
تاہم ان کی پر اسرار حالات میں موت پر اٹلی کے ذرائع ابلاغ میں انہیں مبینہ طور پر غیرت کے نام پر قتل کرنے کے حوالے سے خبریں شائع ہونے کے بعد مقامی پولیس نے جانچ پڑتال شروع کی تھی۔
پولیس نے شبہ کی بنیاد پر ثنا چیمہ کے والد غلام مصطفٰی، ان کے بھائی اور چچا ہو شاملِ تفتیش کر لیا تھا۔
ا ن کی موت کے تقریباً آٹھ روز بعد پولیس کی درخواست پر پوسٹ مارٹم کرنے کے لیے قبر کشائی کی گئی تھی۔ تاہم ڈاکٹروں کے مطابق لاش اس قدر خراب ہو چکی تھی کہ محض پورسٹ مارٹم سے کوئی اندازہ قائم کرنا ممکن نہیں تھا۔
- مولی دی میگپائی: وہ پرندہ جس کی دوستی کتے سے کرائی گئی اور اب وہ جنگل جانے پر راضی نہیں - 28/03/2024
- ماسکو حملے میں ملوث ایک تاجک ملزم: ’سکیورٹی افسران نے انھیں اتنا مارا کہ وہ لینن کی موت کی ذمہ داری لینے کو تیار ہو سکتا ہے‘ - 28/03/2024
- ٹوبہ ٹیک سنگھ میں لڑکی کے قتل کی ویڈیو وائرل: ’جو کچھ ہوا گھر میں ہی ہوا، کوئی بھی فرد شک کے دائرے سے باہر نہیں‘ - 28/03/2024
Facebook Comments - Accept Cookies to Enable FB Comments (See Footer).