باتیں اور ڈانس کرنے والا روبوٹک سمارٹ فون تیار


\"robot\"جاپانی کمپنی نے ایک دلچسپ روبوٹک سمارٹ فون بنایا ہے جو انسانوں سے بات کرتا ہے، ڈانس کرسکتا ہے، دیوار پر پروجیکٹر سے ویڈیو دکھانے کے علاوہ فون کالز بھیج اور وصول کرسکتا ہے جب کہ اس میں ٹچ سکرین کی سہولت موجود ہے لیکن یہ آواز کی ہدایات (وائس کمانڈز) کے تحت کام کرتا ہے۔
اس موبائل فون کو ”روبوہون“ کا نام دیا گیا ہے جس کا اعلان اس سال کے آغاز میں کیا گیا تھا اور اب جاپان میں اسے فروخت کے لیے پیش کردیا گیا ہے جب کہ اس کی قیمت 1800 ڈالر (پاکستانی ایک لاکھ 80 ہزار روپے) ہے۔
روبوہون اینڈروئڈ فون ہے جس میں تمام ایپس چل سکتی ہیں۔ اس کے علاوہ ایس ایم ایس، ای میلز اور انٹرنیٹ رابطے کی سہولت موجود ہے۔ کمپنی کے مطابق یہ انسان نما موبائل فون ہے جو جاپانی مزاج کے مطابق بنایا گیا ہے کیونکہ جاپانی روبوٹس کو بہت عزیز رکھتے ہیں۔ اگر آپ کو انٹرنیٹ سے کوئی معلومات چاہیے تو اسے سنائیے، روبوہون فوراً وکی پیڈیا اور دوسری جگہوں کی معلومات لاکر آپ کو سنائے گا۔
اس کے علاوہ یہ لوگوں کو بہلانے کے لیے ڈانس کرتا ہے اور دلچسپ کرتب بھی دکھاتا ہے۔ ڈانس کے وقت اپنی آنکھوں سے روشنی خارج کرتا ہے جو اسے مزید خوبصورت بناتی ہیں۔ یہ تصاویر اور ویڈیو دکھانے کے لیے زمین کی جانب جھکتا ہے اور اپنے پروجیکٹر کا عکس زمین پر ڈال کر آپ کو تصاویر اور ویڈیو دکھاتاہے۔


Comments

'ہم سب' کا کمنٹس سے متفق ہونا ضروری نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔

اسی بارے میں: ۔  تھری ڈی ورچول ٹیسٹ کے ذریعے دل کی نگرانی ممکن