ششی تھرور پر اہلیہ کے قتل کی فرد جرم عائد
انڈیا کے ممبر پارلیمان اور اقوامِ متحدہ میں سابق سفیر ششی تھرور پر اہلیہ کو مبینہ طور پر خود کشی کے لیے اکسانے کی فرد جرم عائد کی گئی ہے۔
سنندنا پشکر کی موت کو پہلے خود کشی قرار دیا گیا تھا لیکن بعد میں پولیس نے اسے قتل قرار دے کر تفتیش شروع کی تاہم کسی کو اس کے لیے نامزد نہیں کیا۔
میری بیوی تو انمول ہے: ششی تھرور
ششی تھرور اور سنندا پشکر کی شادی
اب دہلی پولیس نے اس مقدمے میں ششی تھرور پر فردِ جرم عائد کی ہے اور ان پر اپنی اہلیہ کو خود کشی پر اکسانے اور ان کے ساتھ ظالمانہ برتاؤ کرنے کا الزام ہے۔
ششی تھرور نے اس خبر کے بعد ٹویٹ کرتے ہوئے کہا کہ وہ اپنے خلاف ان ’احمقانہ الزامات کا بھرپور طریقے سے دفاع کریں گے۔‘
https://twitter.com/ShashiTharoor/status/995977116884729856
https://twitter.com/ShashiTharoor/status/995977356933136384
ششی تھرور انڈیا کی حزب اختلاف کی بڑی جماعت کانگرس کے رکن پارلیمان ہیں۔ انھوں نے سنہ 2010 میں دبئی کی ایک کاروباری خاتون سنندنا پشکر سے شادی کی تھی۔ 17 جنوری سنہ 2014 کو دہلی کے ایک فائیو سٹار ہوٹل میں سنندنا کی لاش پائی گئی تھی۔
سنندنا پشکر کی موت سے قبل یہ دونوں ٹوئٹر پر پیغامات کے باعث تنازع کا شکار ہوئے جس میں یہ انکشاف کیا گیا تھا کہ ششی تھرور کا ایک پاکستانی صحافی خاتون سے افیئر ہے۔
تاہم بعد ازاں ششی تھرور اور سنندنا نے اصرار کیا کہ وہ ہسنی خوشی رہ رہے ہیں اور یہ ٹویٹس ان کی مرضی سے نہیں کی گئی تھیں۔
- خاتون فُٹ بال شائق کو گلے لگانے پر ایرانی گول کیپر پر 30 کروڑ تومان جُرمانہ عائد: ’یہ تاریخ میں گلے ملنے کا سب سے مہنگا واقعہ ثابت ہوا‘ - 24/04/2024
- ’مغوی‘ سعودی خاتون کراچی سے بازیاب، لوئر دیر سے تعلق رکھنے والا مبینہ ’اغوا کار‘ بھی زیرِ حراست: اسلام آباد پولیس - 24/04/2024
- جنوبی کوریا کے ’پہلے اور سب سے بڑے‘ سیکس فیسٹیول کی منسوخی: ’یہ میلہ خواتین کے لیے نہیں کیونکہ ٹکٹ خریدنے والے زیادہ تر مرد ہیں‘ - 24/04/2024
Facebook Comments - Accept Cookies to Enable FB Comments (See Footer).