فوج کے نام سے بھیجی گئی جعلی ای میل سے ہوشیار رہیں: فوج کا سائبر الرٹ
پاکستانی فوج کے شعبہ تعلقات عامہ آئی ایس پی آر نے انٹرنیٹ صارفین کو خبردار کیا ہے کہ وہ آئی ایس پی آر کے نام سے ملنے والی جعلی ای میل سے ہوشیار رہیں۔
انٹر نیٹ صارفین میں ایک پیغام گردش کر رہا تھا کہ فوج کے ترجمان میجر جنرل آصف غفور اپنے مداحوں سے ملنا چاہتے ہیں اس لیے ملنے کے خواہشمند invite@ispr.press کے ای میل پتہ پر درخواستیں بھیجیں۔
میجر جنرل آصف غفور نے ایک ٹویٹ میں خبردار کیا کہ یہ ایک جعلی ای میل ہے اور اس کا آئی ایس پی آر سے کوئی تعلق نہیں ہے۔
اسی بارے میں
سائبر کرائم قوانین کی کمزوریاں
’سائبر حملے کا توڑ صرف ایک فائل‘
فوج کے ترجمان کا کہنا تھا کہ اگر انٹرنیٹ صارفین کو اس طرح کی کوئی ای میل موصول ہو تو اسے نہ کھولیں اور اس کے بارے میں رپورٹ کر دیں۔
انھوں نے پیغام میں خبردار کیا کہ اگر غلطی سے یہ ای میل کھل جائے تو اس میں موجود کسی بھی لنک پر کلک نہ کریں۔ کیونکہ اس پر کلک کرنے کی صورت میں آپ کے کمپیوٹر یا فون کی سکیورٹی خطرے میں پڑ سکتی ہے۔
فوج کے ترجمان نے اپنی ٹویٹ کے آخر میں صارفین کو انتہائی احتیاط برتنے کا مشورہ دیا۔
https://twitter.com/peaceforchange/status/998251160602664960
آئی ایس پی آر کا کہنا تھا کہ ان کا آفیشل ڈومین ispr.gov.pk ہے اور ان کا کسی بھی اور ڈومین سے کوئی تعلق نہیں ہے۔
خیال رہے کہ چند روز قبل میجر جنرل آصف غفور نے اہنی ایک ٹویٹ میں کہا تھا کہ وہ سوابی سے آنے والے اپنے ایک مداح سے مل کر کافی خوش ہوئے ہیں اور ایسی ملاقات کے لیے اکثر درخواستیں ملتی رہتی ہیں۔
ان کا اُس ٹویٹ میں مزید کہنا تھا کہ ’مجھے مداحوں سے ملاقات کے لیے ایک دن طے کرنے دیں۔ آپ کی محبت اور حمایت کا بہت شکریہ۔‘
ان کی اس ٹویٹ کے بعد ہی یہ جعلی ای میل ایڈرس بھی گردش کرنے لگا اور لوگوں کو ای میل بھی موصول ہوئیں۔
- غزہ کی پٹی کے النصر میڈیکل کمپلیکس میں مبینہ اجتماعی قبروں کی حقیقت کیا ہے؟ - 24/04/2024
- ’موت کا جزیرہ‘: اینتھریکس کے وہ خفیہ تجربے جن کے لیے برطانوی فوج نے سائنسدانوں کی مدد حاصل کی - 24/04/2024
- جمیلہ علم الہدیٰ: مشکل وقت میں شوہر کے ہمراہ ’گھریلو اخراجات اٹھانے والی‘ ایرانی صدر کی اہلیہ کون ہیں؟ - 23/04/2024
Facebook Comments - Accept Cookies to Enable FB Comments (See Footer).