سنی لیون اور ماضی کے غلط فیصلے

بالی ووڈ کی بے باک اداکارہ سنی لیون ماضی کے غلط فیصلے یاد کرتے ہوئے پھوٹ پھوٹ کر رو پڑیں۔

اداکارہ سنی لیون نے سوشل نیٹ ورکنگ ایپ انسٹا گرام پر اپنی ایک تصویر شیئر کی ہے جس میں ان کی آنکھیں لال ہورہی ہیں جب کہ ان کا چہرہ بھی مرجھایا ہوا لگ رہا ہے جس سے صاف ظاہر ہوتا ہے کہ سنی لیون تصویر شیئر کرنے سے قبل پھوٹ پھوٹ کرروئی ہیں۔ تصویر کے ساتھ سنی لیون نے ایک جذباتی پیغام بھی تحریر کیا جس سے واضح ہورہا ہے کہ وہ ماضی میں کسی غلط فیصلے کی وجہ سے غمگین ہورہی ہیں۔

سنی لیون نے پیغام میں لکھا آج رات میرا دل ہزار بار ٹوٹا ہے اور آج رات میں میری آنکھوں سے ہزاروں آنسو بہے ہیں، کاش میں ان دنوں کو ایک بار پھر خود سے قریب کر سکتی۔ وہ دن دوبارہ کبھی نہیں آئیں گے، لیکن میرے دل میں ہمیشہ یاد بن کر رہیں گے۔ پیغام کے آخر میں انہوں نے پچھتاتے ہوئے کہا کہ انہوں نے جو راستہ اختیار کیا وہ اس پر پچھتا رہی ہیں۔