عمران خان کا دھرنا ایجنسیوں نے کروایا، اللہ کو بیچ میں لانے والے پر لعنت: حفیظ اللہ نیازی


عمران خان کے کزن اور تجزیہ کار حفیظ اللہ نیازی نے چیئرمین تحریک انصاف عمران خان پر لعنت بھیجتے ہوئے کہا ہے کہ دھرنا ایجنسیز نے کرایا۔

نجی ٹی وی کے پروگرام میں اظہار خیال کرتے ہوئے حفیظ اللہ نیازی نے کہا ’میں اللہ میاں کو حاضر ناظر جان کر روزے کے ساتھ کہہ رہا ہوں کہ دھرنے کے پیچھے ایجنسیز تھیں، اللہ میاں کو حاضر ناظر جان کر روزے کے ساتھ کہہ رہا ہوں کہ جس امپائر کا عمران ذکر کرتا تھا وہ ایجنسیز تھیں‘۔

حفیظ اللہ نیازی نے کہا عمران خان نے اب ایک نیا انکشاف کیا ہے، اسمبلی کے اندر روزے کے ساتھ عمران خان فرما رہے ہیں کہ امپائر اللہ میاں تھے۔ وہ کہتے ہیں کہ امپائر جب انگلی کھڑی کردیتا ہے تو جانا پڑتا ہے میاں صاحب۔ ’لعنت ہے اس پر جو کہتا ہے کہ اللہ میاں نعوذ باللہ انگلی کھڑی کریں گے‘۔

واضح رہے کہ حفیظ اللہ نیازی عمران خان کے بہنوئی بھی ہیں اور مارچ 2012 تک تحریک انصاف کے اہم رہنما تھے۔


Facebook Comments - Accept Cookies to Enable FB Comments (See Footer).