خواجہ سعد رفیق نے عمران خان کے مدمقابل الیکشن لڑنے کا اعلان کر دیا
وفاقی وزیر ریلویز خواجہ سعد رفیق نے عام انتخابات 2018ء میں لاہور سے پی ٹی آئی چیئرمین عمران خان کے ساتھ مقابلے کا اعلان کر دیا۔
نجی ٹی وی چینل کے مطابق وزیر ریلویز اور پاکستان مسلم لیگ (ن) کے رہنما خواجہ سعد رفیق نے آئندہ عام انتخابات میں عمران خان کے مدمقابل الیکشن لڑنے کا اعلان کر دیا ہے۔ ان کا کہنا ہے کہ میرے انتخابی حلقے کی چیر پھاڑ کر دی گئی، تاہم عمران خان جس حلقے سے بھی انتخاب لڑیں گے، میں مقابلہ کروں گا۔
خواجہ سعد رفیق کا کہنا تھا کہ حلقہ بندیوں کے باوجود مسلم لیگ (ن) کا ووٹ بینک متاثر نہیں ہو گا، نواز شریف کا جمہوری بیانیہ ہی انتخاب میں کامیاب ہو گا۔ ان کا کہنا تھا کہ شدید مشکلات میں بھی نواز شریف کی ثابت قدمی مخالفین کو پریشان کئے ہوئے ہے۔ شریف قیادت پر کرپشن کے الزمات لوگ سچ ماننے کو تیار نہیں، ہماری اصل طاقت عوام کے اندر پیدا شدہ شعور ہے۔ نواز شریف کی مقبولیت پر حملے کرنے والے پریشان ہیں۔
Facebook Comments - Accept Cookies to Enable FB Comments (See Footer).