دھرنے کے شوقین پاکستان کی ترقی نہیں چاہتے : شہباز شریف

وزیر اعلیٰ پنجاب میاں شہباز شریف نے کہا ہے کہ دھرنے کا شوق رکھنے والے کچھ لوگ پاکستان میں افراتفری پھیلا کر پاکستان کو اندھیروں میں دھکیلنا چاہتے ہیں۔ وزیر اعلیٰ پنجاب میاں شہباز شریف صادق آباد میں انڈسٹریل سٹیٹ کے پہلے فیز کے افتتاح کے موقع پر منقعدہ تقریب سے خطاب کر رہے تھے۔ انہوں نے کہا کہ چین نے نواز شریف حکومت پر اعتماد کا اظہار کرتے ہوئے راہداری منصوبے پر 46 ارب ڈالرکی سرمایہ کی ہے اور اس منصوبے پر کام جاری ہے۔ انہوں نے کہا کہ پاکستان میں سب سے بڑا مسئلہ بجلی کا ہے اس مسئلے سے نمٹنے کے لیے موجودہ حکومت نے ہنگامی بنیادوں پر کام شروع کیا اور یہ موجودہ حکومت پر بین الاقوامی سطح پر اعتماد کی ایک اور مثال یہ ہے کہ چین 36 ارب ڈالر کے بجلی کی منصوبوں پر سرمایہ کاری کر رہا ہے۔ انہوں نے کہا کہ بہاولپور میں شمسی توانائی کے منصوبے سے بجلی پیدا ہو رہی ہے۔ ساہیوال میں 1320 میگا واٹ بجلی بنانے کا منصوبہ جاری ہے۔ نواز شریف نے اپنے پیسوں سے 36 سو میگاواٹ بجلی کے منصوبوں پر بلوکی ، حویلی بہادر شاہ ، جھنگ میں کام شروع کرایا ہے۔ نیلم جہلم منصوبے پر بھی کام جاری ہے۔ نندی پور منصوبہ مکمل کیا ہے انشااللہ اگلے سال کے آخر تک یا 2018 کی شروعات میں پاکستان کو بجلی کی کمی کے اندھیروں سے نکال دیں گے۔ انہوں کہا کہ کچھ لوگوں کو دھرنوں کا شوق ہے وہ پاکستان میں ترقی نہیں چاہتے وہ کہتے ہیں \”ساڈھی واری آن دیو میاں صاحب \”۔ انہوں نے کہا کہ یہ لوگ بہاولپور ،۔رحیم یار خان ، صادق آباد میں ترقی نہیں چاہتے ہیں ، یہ لوگ منفی سیاست کرکے پاکستان پر وار کرنا چاہتے ہیں ، اب یہ عوام کی ذمہ داری ہے کہ وہ ایسے عناصر کے سامنے سیسہ پلائی ہوئی دیوار بن جائیں اور ان لوگوں کو ناکام بنائیں۔ شہباز شریف نے کہا مطالبہ تھا کہ حکومت پانامہ لیکس پر کمیشن بنائے اب حکومت نے کمیشن بنادیا ہے جو لوگ بڑھ چڑھ کر باتیں کر رہے تھے وہ اپنا کیس لیکر آئیں مگر یہ نہیں جا رہے ہیں۔ دھرنے والے خود کہتے تھے کہ صرف مشرف کی بات کیا ہے ماضی میں قرضے معاف کرانے والوں سے شروع کریں لیکن اب اربوں ڈالر لوٹنے والوں کی بات نہ کرو صرف نواز شریف کی بات کرو۔ انہوں نے کہا صادق آباد انڈسٹریل اسٹیٹ سے ہزاروں بے روزگاروں کو روزگار ملے گا یہ علاقہ ترقی کرے گا۔انہوں چیمبر آف کامرس رحیم یار خان کے صدر عمار الدین کی جانب سے بجلی کی کمی سے متعلق توجہ دلانے کا نوٹس لیا اور صنعت کاروں کو زائد بجلی فراہم کر نے کا وعدہ کیا۔

• About
• Latest Posts

نیوز ڈیسک

Latest posts by نیوز ڈیسک (see all)

• خواتین کا عالمی دن: سوئس سفارتخانے میں پاکستانی دستاویزی فلم کی نمائش - 17/03/2024
• عمران خان کے مقابلے میں شہباز شریف کے دور میں کرپشن کم ہوئی: ٹرانسپیرنسی انٹرنیشنل - 30/01/2024
• مجھے فیصلے کا پہلے سے علم تھا: سائفر کیس پر عمران خان کا پیغام - 30/01/2024