دبنگ خان کے ساتھ کامیڈی فلم کرنے کی خواہش ہے : جوہی چاولہ
![\"juhi1\"](\"http://www.humsub.com.pk/wp-content/uploads/2016/04/juhi1-279x300.jpg\")
بالی ووڈ انڈسٹری سے تین دہائیوں پر راج کرنے والی اداکارہ جوہی چاولہ کا کہنا ہے کہ ان کے شوہر جے مہتا ٹائم پاس ہیں۔
بالی ووڈ اداکارہ نے سماجی رابطے کی ویب سائٹ ٹوئٹر پر بالی ووڈ اداکارہ سے مداح کی جانب سے پوچھا گیا کہ وہ اپنے شوہر”جے مہتا” کے بارے میں کچھ بتائیں تواداکارہ نے مزاحیہ اندازمیں کہا کہ وہ توٹائم پاس ہیں۔ اداکاری کے حوالے انہوں نے کہا کہ اداکاری کی طرف انہیں آنا نہیں تھا یہ قسمت میں لکھی تھی۔ اداکارہ سے جب شوخ و چنچل رہنے کی وجہ پوچھی گئی توان کا کہنا تھا کہ وہ اس فن کو برقراررکھتی ہیں۔
جوہی نے کہا کہ انہوں نے بالی ووڈ کے کنگ شاہ رخ خان کے ساتھ متعدد فلموں میں کام کیا جن میں ” ڈر، ڈپلیکیٹ، رام جانے، پھر بھی دل ہے ہندوستانی اور یس باس” وغیرہ شامل ہیں لیکن ان کی بہترین پسندیدہ فلم “انداز اپنا اپنا” ہے.
اداکارہ نے کہا کہ فلمی کیریئر میں سب سے زیادہ کام کرنے کا مزہ شاہ رخ خان اورعامر خان کے ساتھ آیا جب کہ سلمان خان کے حوالے سے جب ان سے پوچھا گیا تو ان کا کہنا تھا کہ خواہش ہے کہ دبنگ خان کے ساتھ کامیڈی فلم کروں۔
واضح رہے کہ اداکارہ نے جے مہتا سے شادی 1995 میں کی تھی اور ان کے 2 بچے بھی ہیں۔
Facebook Comments - Accept Cookies to Enable FB Comments (See Footer).