نواز شریف نے کوئی غلط کام نہیں کیا تو قوم کے سامنے سچ بول دیں : عمران


imranعمران خان کی زیر صدارت تحریک انصاف کے رہنماوں کا اجلاس ہوا جس میں دو مئی کو اپوزیشن کے مشترکہ اجلاس کے لیے وفد کا اعلان کیا گیا۔ وفد میں جہانگیر ترین، شاہ محمود، اسد عمر، عارف علوی اور حامد خان شامل ہونگے۔ اجلاس کے بعد میڈیا سے گفتگو کرتے ہوئے عمران خان نے کہا ملک میں ابھی حقیقی جمہوریت نہیں جب تک صاف شفاف الیکشن نہیں ہوتے صحیح جمہوریت نہیں آئے گی۔ نواز شریف نے جمہوریت کو بادشاہت بنایا ہوا ہے۔ بلاول نے بالکل صحیح کہا ہے نواز شریف کے پاس اخلاقی جواز نہیں رہا۔ عمران خان نے الزام لگایا کہ وزیراعظم فوج کو بدنام کر رہے ہیں۔ انہوں نے کہا سادہ سا سوال ہے اگر نواز شریف نے کوئی غلط کام نہیں کیا تو قوم کے سامنے سچ بول دیں۔ میاں صاحب معصوم سی شکل بنا کر مظلوم بن جاتے ہیں۔ ڈیوڈ کیمرون نے اپوزیشن پر الزام نہیں لگائے جواب دینا پڑا۔ میاں صاحب سے جواب مانگے تو وہ مانسہرہ نکل جاتے ہیں۔ جمہوریت میں جواب مانگنا ہمارا حق ہے۔ عمران خان نے کہا پاناما لیکس پر دنیا بھر میں شور مچا ہوا ہے اگر عوام کا پیسہ صحیح استعمال نہ ہو تو جواب مانگنا ہمارا فرض ہے۔ اس بار نواز شریف کو ایک وقت دیں گے اس میں انہیں جواب دینا ہو گا اور جواب دینے تک تحریک چلے گی۔ عمران خان نے کل کے جلسے کے سوال پر کہا کل کا جلسہ زبردست ہو گا نواز شریف کے سوا سکیورٹی تھریٹ نہیں ہو سکتا۔ نواز شریف کو پتا ہے کہ وہ ساری اپوزیشن کو منالیں گے عمران کو نہیں۔ اس سے پہلے بنی گالہ میں میڈیا سے گفتگو میں عمران خان نے کہا کہ پیسہ ملک سے باہر کیسے گیا میاں صاحب ذریعہ بتا دیں۔ جلسوں سے بات نہیں بنے گی۔ عوام کے ٹیکسوں سے پراپیگنڈا مہم پر عدالت اور نیب جائیں گے۔


Comments

FB Login Required - comments