افغانستان کو انڈیا کے خلاف پہلے ٹیسٹ کا پہلا دن مہنگا پڑ گیا


انڈیا کرکٹ

AFP

افغانستان کی ٹیم ٹیسٹ سٹیٹس ملنے کے بعد آج اپنا پہلا ٹیسٹ میچ انڈیا کے خلاف بنگلور میں کھیل رہی ہے۔

انڈیا اور افعانستان کے درمیان کھیلے جانے والے اس واحد ٹیسٹ میچ میں میزبان انڈیا نے ٹاس جیت کر پہلے بلے بازی کا فیصلہ کیا۔

جمعرات کو پہلے دن کے کھیل کے اختتام پر انڈیا نے اپنی پہلی اننگز میں جارحانہ بلے بازی کرتے ہوئے چھ وکٹوں کے نقصان پر 347 رنز سکور کر لیے تھے۔

انڈیا کی جانب سے دونوں اوپنرز مرلی وجے اور شکھر دھون نے سنچریاں سکور کیں اور اپنی ٹیم کو عمدہ آغاز فراہم کر دیا۔

مرلی وجے 105 اور شکھر دھون 107 رنز بنا کر آؤٹ ہوئے، اور دونوں نے پہلی وکٹ کی شراکت 168 رنز بنائے۔

ان کے بعد آنے والے بلے بازوں میں کے ایل راہل نے 54، بجارا 35 جبکہ کپتان اجنکیے ریحانے صرف دس رنز ہی سکور کر سکے۔

افغانستان کرکٹ

Getty Images

افغانستان کی جانب سے یامین احمد زئی نے دو جبکہ وفادار، مجیب الرحمان اور راشد خان نے ایک، ایک وکٹ حاصل کی۔

آئی سی سی کی جانب سے ٹیسٹ سٹیٹس ملنے کے بعد یہ پہلا موقع ہے کہ افغانستان کسی رکن ملک کے خلاف ٹیسٹ میچ کھیل رہا ہے۔

اس سے قبل آئرلینڈ نے بھی ٹیسٹ سٹیٹس ملنے کے بعد اپنا پہلا ٹیسٹ میچ پاکستان کے خلاف کھیلا تھا جس میں اسے شکست کا سامنا کرنا پڑا تھا۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 4898 posts and counting.See all posts by british-broadcasting-corp