فلم ہو یا ڈرامہ کردار دیکھ کر سائن کرتی ہوں : ثنا


sanaاداکارہ ثنا نے کہا ہے کہ فلم ہو یا ٹی وی ڈرامہ سائن کرنے سے پہلے اپنا کردار دیکھتی ہوں ، ”ہجرت“ میں میرے آئٹم سانگ کو پسند کیاجارہاہے۔
انھوں نے کہا کہ پاکستانی فلم میکر بین الاقوامی مارکیٹ کو سامنے رکھ کر فلمیں بنا رہے ہیں جو ایک اچھی بات ہے۔ماضی میں اس طرف بالکل توجہ نہیں دی گئی اور نہ ہی حکومتی سطح پر کوئی اقدامات کیے گئے۔ اسی لیے فلم انڈسٹری زبوں حالی کا شکار ہوئی۔
اداکارہ نے کہا کہ فلمیں اچھی بن رہی ہیں انھیں باکس آفس پر پسند بھی کیا جارہا ہے۔ ابھی اس بارے میں کافی کچھ کرنے کی ضرورت ہے کیونکہ اگر ہم نے حکمت عملی تیار نہ کی تو فلم انڈسٹری ایک بار پھرپرانی ڈگر پر چل پڑے گی۔ اداکارہ نے کہا کہ میری دو فلمیں ”زہر عشق“ اور ” راستہ“ تکمیل کے آخری مراحل میں ہیں ان دونوں فلموں میں اہم کردار کر رہی ہوں۔


Comments

FB Login Required - comments