بےنظیر بھٹو اور نیوزی لینڈ کی وزیر اعظم کا آپس میں کیا تعلق؟
اگر ہم آپ سے یہ پوچھیں کہ نیوزی لینڈ کی وزیر اعظم جیسِنڈا آرڈن اور بینظیر بھٹو کا بھلا آپس میں کیا تعلق ہے؟ تو آپ کیا کہیں گے؟
آپ یہ تو جانتے ہی ہوں گے کہ 1990 میں جب بینظیر بھٹو پاکستان کی وزیر اعظم تھیں، اور ان کے ہاں بیٹی پیدا ہوئی تو وہ اپنے دور حکومت کے دوران ماں بننے والی پہلی وزیر اعظم تھیں۔
اور اب نیو زی لینڈ کی وزیر اعظم جیسِنڈا آرڈن کے ہاں 21 جون 2018 کو ایک بیٹی پیدا ہوئی ہے۔ ماں اور بچی دونوں صحت مند ہیں۔ 37 برس کی جیسنڈا آرڈن چھ ہفتے کی چھٹی لیں گی، جس دوران نائب وزیر اعظم ونسٹن پیٹرز ان کے فرائض انجام دیں گے۔ تاہم انہوں نے کہا کہ اس دوران بھی حکومت کی قیادت وہ خود ہی کریں گی اور روزانہ کابینہ کے دستاویزات کا جائزہ لیں گی۔
اس اعلیٰ عہدے پر فرائض انجام دیتے ہوئے ماں بننے والی، بینظیر بھٹو کے بعد وہ صرف دوسری خاتون ہیں۔ اور دلچسپ بات یہ ہے کہ 21 جون کو بینظیر بھٹو کی سالگرہ بھی ہے۔
تو جہاں ایک طرف لوگ ٹوئٹر پر نیو زیلینڈ کی وزیر اعظم کو مبارک باد دے رہے ہیں وہیں دوسری طرف #HappyBirthdaySMBB بھی ٹرینڈ کر رہا ہے۔
پی پی پی کی رہنما ناز بلوچ نے ٹویٹ کی، ’ہمت کی علامت، اور پاکستان کا فخر، بینظیر بھٹو دنیا بھر میں سیاست میں کام کرنے والی خواتین کے لیے ایک مثالی کردار ہیں۔
Symbol of Courage, the pride of Pakistan #SMBB is a role model for women in politics around the world. Her resilience & unwavering commitment towards the nation for democracy throughout her life is admirable and unforgettable #HappyBirthdaySMBB pic.twitter.com/zBrnpYtqtu
— Naz Baloch (@NazBaloch_) June 21, 2018
صحافی ابسا کومل نے لکھا کہ ’پاکستان کی پہلی خاتون وزیر اعظم، اسلامی ممالک کی پہلی خاتون لیڈر، بینظیر بھٹو کی یاد میں۔۔ اور ہاں وہ واحد پاکستانی رہنما تھیں جنہوں نے امریکی کانگریس سے خطاب کیا۔۔‘
Here is to remembering the first Pakistani female prime minister and also the first woman leader amongst any Islamic country Benazir Bhutto, she is also the only Pakistani PM who addressed the US Congress. #HappyBirthdaySMBB pic.twitter.com/S4KaOFUvQR
— Absa Komal (@AbsaKomal) June 20, 2018
اور ٹوئٹر یوزر عمران خان نے ٹویٹ کی، ’نیوزی لینڈ کی وزیر اعظم جیسنڈا آرڈن نے بینظیر بھٹو کی سالگرہ پر، جو کہ وزیر اعظم ہوتے ہوئے ماں بننے والی پہلی خاتون تھیں، ایک بیٹی کو جنم دیا ہے۔ اِس بچی کا نام بینظیر رکھا جانا چاہیے۔‘
New Zealand's Prime Minister, Jacinda Arden, gives birth to a girl on the birthday of Benazir Bhutto, who was the first Prime Minister to give birth while being in office. They should name her Benazir.
— Imran Khan (@iopyne) June 21, 2018
اب نیو زیلینڈ کی وزیر اعظم ایسا کرتی ہیں یا نہیں، لیکن ان کی بیٹی کا بینظیر بھٹو کی سالگرہ پر پیدا ہونا ایک دلچسپ اتفاق تو ضرور ہے!
- کیا روزانہ نہانا ضروری ہے؟ - 25/04/2024
- خاتون فُٹ بال شائق کو گلے لگانے پر ایرانی گول کیپر پر 30 کروڑ تومان جُرمانہ عائد: ’یہ تاریخ میں گلے ملنے کا سب سے مہنگا واقعہ ثابت ہوا‘ - 24/04/2024
- ’مغوی‘ سعودی خاتون کراچی سے بازیاب، لوئر دیر سے تعلق رکھنے والا مبینہ ’اغوا کار‘ بھی زیرِ حراست: اسلام آباد پولیس - 24/04/2024
Facebook Comments - Accept Cookies to Enable FB Comments (See Footer).