میرے اور پاپا کے درمیان ڈر ہے: رنبیر کپور


اداکار سنجے دت کی زندگی پر بننے والی فلم سنجو میں رنبیر کپور سنجے کا کردار نبھا رہے ہیں۔

بی بی سی ہندی کے ساتھ بات کرتے ہوئے انہوں نے کہا کہ راج کپور کی زندگی پر فلم بنائی جانی چاہیے کیونکہ ان کی زندگی میں بہت کچھ تھا۔

رنبیر کا کہنا تھا کہ بائیو پِک ایماندار ہونی چاہیے نہ کہ پروپیگنڈہ کے لیے۔

ان کا کہنا تھا کہ اگر آپ کسی شخص کی کہانی بتا رہے ہیں تو اسے بھگوان یا فرشتے کی طرح پیش نہیں کر سکتے۔ رنبیر کا کہنا تھا کہ راج کپور پر بھی فلم بننی چاہیے لیکن ان کے خاندان کی اجازت کے بعد۔

رنبیر اپنے کرداروں کے مختلف رنگوں پر زور دیتے ہیں ان کا کہنا ہے کہ وہ اچھے لڑکے کا کردار نبھاتے نبھاتے تھک گئے ہیں اور فلم سنجو سے اپنی اس شبیہہ کو توڑنا چاہتے ہیں۔

رنبیر کو لگتا ہے کہ وہ چھوٹے شہروں اور دیہی علاقوں میں زیادہ مقبول نہیں ہیں لیکن سنجو فلم کے ساتھ شاید وہ اس دائرے کو توڑنے میں کامیاب رہیں گے۔

انہیں لگتا ہے کہ سنجے دت اور انکے والد سنیل دت کے درمیان باپ بیٹے کا جو الجھا ہوا تعلق تھا اس میں وہ اپنے اور اپنے پاپا رشی کپور کے تعلق کی جھلک دیکھتے ہیں۔

رنبیر کا کہنا ہے کہ رشی کپور ان کے والد ہیں دوست نہیں۔ ان کا کہنا ہے کہ اس تعلق میں ایک طرح کا ڈر بھی ہے حالانکہ رنبیر مانتے ہیں کہ ان کے درمیان محبت اور احترام بھی ہے۔


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32292 posts and counting.See all posts by british-broadcasting-corp