رحیم یار خان سے 3 لاوارث لڑکیوں کی لاشیں برآمد، علاقے میں خوف و ہراس


\"raheemرحیم یارخان کی تحصیل لیاقت پور سے ایک اور کمسن بچی کی لاش برآمد ہونے کے بعد48 گھنٹے کے دوران ملنے والی یہ تیسری لاوارث لاش ہے جبکہ تینوں لڑکیوں کو قتل کرنے کا طریقہ کار ایک جیسا نکلا۔علاقے میں خوف و ہراس ہے۔
پولیس ذرائع کے مطابق لیاقت پور کے علاقے تھانہ تبسم شہید ورک کے چک عباسیہ سے آٹھ سالہ بچی کی لاوارث لاش برآمد ہوئی ہے جس کی شناخت نہیں ہو سکی۔پولیس کا کہنا ہے کہ پہلی لاش دو روز قبل جن پور کے موضع چند والی میں سڑک کنارے گنے کی فصل سے سکول ڈریس میں ملبوس بارہ سالہ بچی کی تھی اور اسی روز دوسری لاش چک 721 پی میں بیس سالہ نامعلوم لڑکی کی لاش ملی جو ابتدائی رپورٹ کے مطابق چار ماہ کی حاملہ تھی۔
دونوں کی شناخت نہ ہونے پر لیاقت پور میں سپرد خاک کر دیا گیا ، تیسری آٹھ سالہ کمسن بچی کی لاش ہے تحصیل ہسپتال لیاقت پور منتقل کر دیا گیا ہے۔ ایس ایچ او تھانہ تبسم شہید ورک محمد یاسین کے مطابق اس کے گلے پر نشانات موجود ہیں۔تینوں لڑکیوں کوقتل کرنے کا طریقہ واردات ایک جیسا ہے۔
پولیس کی جانب سے واقعہ کی تحقیقات کی جا رہی ہیں جبکہ پولیس نے بیس سالہ مقتولہ کے فنگر پرنٹ لیکر شناخت کے لئے وزیر داخلہ کو خط ارسال کر دیا ہے جس کی رپورٹ آنے پر تحقیقات کا دائرہ مزید وسیع کیا جائے گا۔


Facebook Comments - Accept Cookies to Enable FB Comments (See Footer).

Subscribe
Notify of
guest
0 Comments (Email address is not required)
Inline Feedbacks
View all comments