کیا اداکارہ لِنڈسے لوہن نے یہ تصویر پاکستان میں بنوائی؟
امریکی اداکارہ لنڈسے لوہن کو دنیا کی مشہور ترین سلیبرٹیز میں شمار کیا جاتا ہے۔وہ جہاں جاتی ہیں میڈیا کے کیمرے ان کے پیچھے ہوتے ہیں۔ ایسے میں یہ بات حیرت کا باعث ہے کہ آج کل سوشل میڈیا پر یہ بحث چل رہی ہے کہ وہ گزشتہ دنوں پاکستان آئیں یا نہیں؟
دراصل ہوا کچھ یوں کہ چند دن قبل اداکارہ نے اپنی ایک تصویر انسٹاگرام پر پوسٹ کی جس میں ان کی لوکیشن کی معلومات نے پاکستان میں ان کے پرستاروں کو شش و پنج میں مبتلا کر دیا ہے۔ اس تصویر کے ساتھ ان کی لوکیشن ”لوہن، سندھ ، پاکستان“ دکھائی دے رہی ہے۔ اب اس کے بعد یہ سوال اٹھنا تو یقینی تھا کہ کیا وہ یہ تصویر پوسٹ کرتے وقت واقعی پاکستان میں تھیں؟ بس یہی وجہ ہے کہ سوشل میڈیا پر لنڈسے لوہن کے پرستاروں میں کھلبلی مچی ہوئی ہے اور ہر کوئی پوچھ رہا ہے کہ کیا واقعی وہ پاکستان آئیں تھیں۔
یہاں یہ بات بھی قابل ذکر ہے کہ ویب سائٹ ”مینگوباز“کے مطابق لنڈسے لوہن گزشتہ دنوں پاکستان بالکل نہیں آئیں۔ دراصل انہوں نے اپنی تصویر کے ساتھ جو لوکیشن ٹیگ کی وہ ”لوہن بیچ ہاوس کلب“ کی لوکیشن ہے، جو کہ شکاگو میں واقع ہے۔
Latest posts by ویب ڈیسک (see all)
Facebook Comments - Accept Cookies to Enable FB Comments (See Footer).