پشاور میں عوامی نیشنل پارٹی کے جلسے میں دھماکہ، صوبائی امیدوار ہارون بلور سمیت متعدد افراد زخمی


بریکنگ

BBC

پاکستان کے صوبہ خیبر پختونخوا کے دارالحکومت پشاور میں عوامی نیشنل پارٹی کے انتخابی جلسے میں دھماکے کے نتیجے میں پارٹی کے رہنما ہارون بلور سمیت متعدد افراد زخمی ہو گئے ہیں۔

سرکاری ذرائع ابلاغ کے مطابق دھماکہ منگل کی رات گئے یکہ توت کے علاقے میں ہوا جہاں پر عوامی نیشنل پارٹی کی انتخابی مہم کے حوالے سے جلسہ چل رہا رہا تھا۔

دھماکے کے نتیجے میں صوبائی حلقہ پی کے 78 سے عوامی نیشنل پارٹی کے امیدوار ہارون بلور سمیت متعدد افراد زخمی ہو گئے ہیں۔

سرکاری ذرائع نے پولیس کے حوالے سے بتایا ہے کہ زخمیوں کو لیڈی ریڈنگ ہسپتال منتقل کر دیا گیا جہاں پر ہارون بلور کی حالت تشویشناک بتائی جا رہی ہے۔

خیال رہے کہ ہارون بلور عوامی نیشنل پارٹی کے سینیئر رہنما بشیر بلور کے بیٹے ہیں جو ستمبر 2012 میں پشاور میں ہی پارٹی کے ایک جلسے پر ہونے والے خودکش حملے میں ہلاک ہو گئے تھے۔

2013 کے انتخابات کی مہم کے دوران عوامی نیشنل پارٹی کے کارکنوں اور امیدواروں کو شدت پسندی کے واقعات میں نشانہ بنایا گیا تھا۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 5381 posts and counting.See all posts by british-broadcasting-corp