کائیلی جینر کم عمر ترین ’سیلف میڈ‘ ارب پتی بننے کی راہ پر
بزنس میگزین فوربز کے مطابق امریکی ٹی وی سٹار صرف 20 سال کی عمر میں 90 کروڑ امریکی ڈالر کے اثاثوں کی مالک ہیں۔
جریدے کا کہنا ہے کہ سوشل میڈیا سٹار ’اپنے بل بوتے پر ارب پتی بننے والی سب سے کم عمر‘ شخصیت بننے کی راہ پر ہیں۔
کائیلی جینر نے دو سال قبل اپنی کاسمیٹکس کمپنی متعارف کروائی تھی۔ اس کے مقابلے میں ان کی 37 سالہ سوتیلی بہن کِم کارڈیشیئن کے اثاثوں کی کل مالیت 35 کروڑ ڈالر ہے۔
کائیلی جینر کی عمر ابھی اتنی بھی نہیں ہے کہ وہ امریکہ میں قانونی طور پر شراب نوشی کر سکیں۔ وہ آئندہ ماہ 21 برس کی ہو جائیں گی جب فوربز جریدے کا نیا ایڈیشن آئے گا۔
فوربز جریدے کے مطابق کائیلی جینز اپنے ہونٹوں کی وجہ سے شہرت رکھتی ہیں۔
کائیلی جینز ایک بیٹی سٹورمی کی ماں ہیں اور رواں ہفتے کے آغاز میں ان کا کہنا تھا کہ وہ ہونٹوں پر ڈرمل فلرز نامی انجیکشن لگوانا چھوڑ رہی ہیں۔
کائیلی جینز نے سنہ 2015 میں ٹی وی شو ’کیپنگ اپ ود دی کارڈیشیئنز‘ کی ایک قسط میں تسلیم کیا تھا کہ ان کے قدرتی ہونٹ ان کے لیے ایک ’عدم تحفظ‘ تھے اور وہ انھیں مصنوعی طور پر تبدیل کرنا چاہتی تھیں۔
How 20-year-old Kylie Jenner built a $900 million fortune in less than 3 years:https://t.co/PtJG2vfl3k #SelfMadeWomen pic.twitter.com/JLDtlir40k
— Forbes (@Forbes) July 11, 2018
بعدازاں انھوں نے اپنا برانڈ کائیلی کاسمیٹکس متعارف کروایا تھا جس میں صارفین کے لیے ہونٹوں کو نمایاں کرنے والی میک اپ کی مصنوعات بھی شامل تھیں۔
پلاسٹک سرجنز کا کہنا ہے کہ ان کے ہونٹوں کے انداز نے ایک نیا رجحان قائم کیا اور خواتین میں ’لپ فلرز‘ کے استعمال میں اضافہ ہوا۔
فوربز کے مطابق کائیلی اپنی کمپنی کے واحد مالک ہیں اور اس کی کل مالیت 80 کروڑ ڈالر ہے۔
فوربز کی امریکہ میں اپنے بل بوتے پر امیر ترین بننے والی خواتین کی فہرست میں کائیلی جینر کا 27واں نمبر ہے جبکہ باربرا سٹرائسینڈ 40کروڑ ڈالر، بیونسے ساڑھے 33 کروڑ ڈالر اور ٹیلز سوئفٹ 32 کروڑ ڈالر کے ساتھ ان سے کافی پیچھے ہیں۔
کائیلی جینز سب سے کم عمر ارب پتی بننے کی جانب گامزن ہیں۔ اس سے قبل یہ اعزاز فیس بک کے بانی مارک زکربرگ نے 23 سال کی عمر میں حاصل کیا تھا۔
بدھ کو انھوں نے اپنی انسٹاگرام پوسٹ میں لکھا کہ ’واہ۔ میں یقین نہیں کر سکتی کہ میں اپنا فوبز سرورق پوسٹ کر رہی ہوں۔‘
“Self-made”? Really? It’s easy to become a billionaire when you’re parents are millionaires…It’s called generational wealth + nepotism.
Try Oprah Winfrey, who was raised on a small Mississippi farm by her grandmother, for self-made *whispers Kylie also isn’t a billionaire yet* pic.twitter.com/UQGrJxno8z
— Shelby Ivey Christie (@bronze_bombSHEL) July 11, 2018
Did Kylie Jenner just get shaded by…. the DICTIONARY??? https://t.co/cdgUDbgXRV
— Ben Wegmann (@benwegmann) July 11, 2018
دوسری جانب ڈکشنری ڈاٹ کام نے فوربز کے بارے میں ٹویٹ کیا کہ ’سیلف میڈ کا مطلب ہوتا ہے زندگی میں اپنی مدد آپ کے تحت کامیابی حاصل کرنا۔‘
کائیلی جینز دس برس کی عمر میں منظرعام پر آئی تھیں جب وہ اپنی خاندان کے ہمراہ ایک ریالٹی شو کا حصہ بنی تھیں۔
سوشل میڈیا پر کئی لوگوں نے فوربز کی جانب سے ‘سلف میڈ’ کی اصطلاح کے استعمال پر اعتراض کیا کہ کائیلی جینز کے والدین پہلے ہی مشہور اور امیر تھے۔
- سمارٹ فون، جاسوسی کے سافٹ ویئر اور ’ایم کامل‘: اسرائیل کیسے لبنان میں گاڑیوں یا عمارت کے اندر موجود اپنے ہدف کی بھی نشاندہی کر لیتا ہے؟ - 29/03/2024
- اپنی تصویر، آواز اور نام دیں ’50 پاؤنڈ‘ لیں۔۔۔ چینی کمپنی کی انوکھی آفر سے بچنا ’مشکل‘ - 29/03/2024
- کینیڈا کا وہ جزیرہ جو دو ہزار زلزلوں کے باوجود محفوظ رہا - 29/03/2024
Facebook Comments - Accept Cookies to Enable FB Comments (See Footer).