الیکشن کمیشن کی جانب سے مولانا فضل الرحمن اور عمران کو نوٹس جاری


noticeصوبائی الیکشن کمیشن نے تحریک انصاف کے چیئرمین عمران خان کو حلقہ پی کے 8 میں جلسہ کرنے پر نوٹس جاری کردیا جب کہ مولانا فضل الرحمان کو نوٹس جاری کرتے ہوئے تنبیہ کی گئی ہے کہ حلقے میں جلسہ نہ کیا جائے ورنہ قانونی کارروائی کی جائے گی۔
پشاور کے حلقہ پی کے 8 میں آج تحریک انصاف کی جانب سے جلسے کے اعلان پر ریجنل الیکشن کمشنرنے تحریک انصاف کے چیئرمین عمران خان کو نوٹس جاری کرتے ہوئے کہا ہے کہ ضمنی انتخابات میں بڑے جلسے کرنا انتخابی قوانین کی کھلی خلاف ورزی ہے۔
دوسری جانب صوبائی الیکشن کمیشن نے جمعیت علمائے اسلام (ف) کے سربراہ مولانا فضل الرحمان کوبھی حلقہ پی کے 8 میں جلسہ کرنے سے منع کرتے ہوئے نوٹس جاری کردیا، الیکشن کمیشن کی جانب سے جاری بیان میں کہا گیا ہے کہ اگرمولانا فضل الرحمان نے ضابطہ اخلاق کی خلاف ورزی کی توان کے خلاف کارروائی کی جائے گی۔
واضح رہے کہ اس سے قبل الیکشن کمیشن مشیر وزیراعظم انجینئرامیرمقام کو حلقے میں ترقیاتی کاموں کے اعلان پر نوٹس جاری کرچکا ہے جب کہ حلقہ پی کے 8 میں ضمنی انتخاب 12 مئی کو ہوگا۔


Comments

FB Login Required - comments