کیا فرانس کو مسلمانوں اور افریقیوں نے ورلڈ کپ جتوایا ہے؟


فرانس کی فاتح ٹیم

فرانس نے 20 سال پہلے 1998 میں فٹبال کے عالمی فاتح بننے کا اعزاز حاصل کیا تھا

روس میں فیفا ورلڈ کپ جیتنے والی فرانس کی کثیر الثقافتی ٹیم پر ایک ٹویٹ نے نسل پرستی اور امیگریشن پر بحث چھیڑ دی ہے۔

فرانس نے اتوار کو روس میں کھیلے جانے والے فائنل میچ میں کروشیا کو دو کے مقابلے میں چار گول سے شکست دی تھی جس کے کچھ دیر بعد ’اسلام فوبیا‘ نامی کتاب کے امریکی مصنف خالد بیدون نے فرانس کی کثیر الثقافتی ٹیم کے لیے انصاف کی اپیل کی تھی۔

امریکی مصنف کی اتوار کو پوسٹ کی جانے والی اس ٹویٹ کے بعد سے اسے 163,000 سے زیادہ بار ری ٹویٹ اور 370,000 بار پسند کیا جا چکا ہے۔

https://twitter.com/KhaledBeydoun/status/1018540593897705473

فرانس کی فاتح ٹیم کو سب سے زیادہ کثیر الثقافتی ٹیموں میں سے ایک کے طور پر پہچانا جا رہا ہے۔ فرانس کی قومی ٹیم کے 23 میں سے 15 کھلاڑی افریقی نژاد ہیں جن میں زیادہ تر وہ ممالک ہیں جو فرانسیسی کالونیاں رہی ہیں۔

سوشل میڈیا پر بہت سے لوگوں نے اس بات کی طرف بھی اشارہ کیا کہ افریقی جڑیں ہونے کے باوجود وہ ’سب سے پہلے فرانسیسی‘ ہیں جبکہ دیگر نے امریکی مصنف بیڈون پر یہ کہہ کر تنقید کی کہ انھوں نے سیاسی پوائنٹس سکور کرنے کے لیے کھیل کا استعمال کیا۔

https://twitter.com/carter_till/status/1018616750353592320

کچھ لوگوں کا خیال ہے کہ یہ ٹویٹ ملک میں نسلی تعلقات کو نقصان پہنچا سکتا ہے جہاں یہ مسئلہ مہاجرین کے حالیہ بحران اور متعدد دہشت گرد حملوں کے بعد سے پہلے ہی متنازع ہے۔

https://twitter.com/MGigantoraptor/status/1018797126246109186

واضح رہے کہ سنہ 2016 میں پیرس میں ہونے والے حملوں کے بعد فرانس کے سابق فٹبال سٹار لیوس سہا نے کہا تھا کہ فرانس نسل پرستی سے نمٹنے میں دوسرے ممالک سے پیچھے ہے۔

یہ دوسرا موقع ہے جب فرانس نے فیفا ورلڈ کپ جیتا ہے۔ سنہ 1998 میں ورلڈ کپ جیتنے سے پہلے فرانس کی انتہائی دائیں بازو کے خیالات رکھنے والے رہنما جین ماری لی پین نے فرانس کی قومی ٹیم کے کچھ کھلاڑیوں پر تنقید کی تھی جن میں ذیڈان بھی شامل تھے جن کا تعلق الجیریا سے ہے۔

انھوں نے دعویٰ کیا تھا کہ فرانس کی ٹیم میں ’غیر ملکی‘ کھلاڑی شامل تھے جنھوں نے فرانس کے میچ شروع ہونے سے پہلے فرانس کا قومی ترانہ نہیں گایا تھا۔ لیکن اس مرتبہ فرانس میں انتہائی دائیں بازو کی جماعتوں کی جانب سے خاموشی رہی ہے۔

https://twitter.com/WilliamPMack/status/1018578251978100738


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32190 posts and counting.See all posts by british-broadcasting-corp