ورلڈ باڈی پینٹنگ فیسٹیول: ذوق نظر کو دعوت نظارہ
آسٹریا کے شہر کلیگنفرٹ میں 21 ویں ورلڈ باڈی پینٹنگ فیسٹیول یعنی انسانی جسم پر مختلف قسم کی تصاویر بنانے کی تقریب منعقد کی گئی ہے۔
اس میں فنکاروں نے ماڈلز کے جسم پر وہ نقش و نگار بنائے جو دعوت نظارہ دے رہے تھے۔ یہاں قارئین کے ذوق نظر کے لیے بعض حیرت انگیز تصاویر پیش ہیں۔
اس فیسٹیول کی ابتدا سنہ 1998 میں ہوئی تھی اور وقت کے ساتھ اس میں مختلف ممالک کے فنکار شرکت کرنے لگے۔ رواں سال اس میں تقریباً 50 ممالک کے فنکاروں نے اپنے فن کا مظاہرہ کیا۔
اس فیسٹیول میں مخصوص اور غیر پیشہ ور اور شوقیہ پینٹنگ کرنے والوں کے لیے بھی ایوارڈز ہیں جنھیں 12 مختلف زمروں جیسے ایئربرش، سپیشل ایفکٹ، فیس پینٹنگ وغیر میں منقسم کیا گيا ہے۔
اس عالمی فیسیٹول کا لوکیشن جنوبی آسٹریین صوبے کیرنتھیا کا دارالحکومت کلیگنفرٹ ہے جو چہار جانب سے آلپس پہاڑ سے گھرا ہوا ہے۔
بعض زمروں میں فنکاروں کو اپنے ماڈل کے جسم پر پینٹ کرنے کے لیے دو دنوں کا وقت دیا جاتا ہے اور ہر دن مختلف تھیم کے تحت پینٹنگ کا مقابلہ ہوتا ہے۔
فیس یا چہرے پر پینٹنگ کے ذریعے مقابلے میں شرکت کرنے والے فنکاروں کو ماڈل کے چہرے اور گردن پر پینٹنگ کے ذریعے بصری کہانی کہنی ہوتی ہے۔
اس میں تخلیقی میک اپ پر بھی ایوارڈ ہے جن میں ایسے لباس شامل ہیں جو ماڈل کے میک اپ سے مناسبت رکھتے ہوں۔
اس فیسٹیول میں جسم پر مصوری، میک اپ، فوٹوگرافی، سپیشل ایفکٹ اور ایئربرش کے لیے تربیت بھی دی جاتی ہے۔
.
- مختار انصاری کی موت: انڈیا میں انڈر ورلڈ کا بڑا نام جنھیں جیل میں ’زہر دیے جانے‘ کا ڈر تھا - 29/03/2024
- ماں بیٹی کے ملاپ کی کہانی: ’میں 17 سال بعد بیٹی کو دیکھ کر دوبارہ زندہ ہو گئی‘ - 29/03/2024
- شیاؤمی: چینی سمارٹ فون کمپنی نے الیکٹرک کار متعارف کروا کر کیسے ٹیسلا اور ایپل دونوں کو ٹکر دی - 29/03/2024
Facebook Comments - Accept Cookies to Enable FB Comments (See Footer).