زبان……


’’کیا آپ میرے منہ میں ایک نئی زبان لگا سکتے ہیں؟‘‘
میں نے پلاسٹک سرجن سے فرمایش کی۔
’’کیوں نہیں! کوے کی زبان لگوا لیجیے۔
اس سے آپ سارا دن شور مچا سکتے ہیں۔‘‘
سرجن نے کہا۔
’’کوئی اور آپشن؟‘‘
’’جی ہاں، ڈوگی کی لمبی زبان موجود ہے۔
جی چاہے بھونکیں، جی چاہے جوتے چاٹتے رہیں۔‘‘
’’کوئی اور آپشن؟‘‘
’’کوبرا کی دو شاخہ زبان بھی دستیاب ہے۔
اس سے آپ دوسروں کو ڈس سکتے ہیں۔‘‘
’’مجھے یہی زبان چاہئے۔‘‘
میں نے فیصلہ سنایا۔
’’آپ اسے کہاں استعمال کریں گے؟‘‘
سرجن نے دریافت کیا۔
میں نے بتایا،
’’اپنے انتخابی جلسوں میں۔‘‘
(بشکریہ روزنامہ جنگ)

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

مبشر علی زیدی

مبشر علی زیدی جدید اردو نثر میں مختصر نویسی کے امام ہیں ۔ کتاب دوستی اور دوست نوازی کے لئے جانے جاتے ہیں۔ تحریر میں سلاست اور لہجے میں شائستگی۔۔۔ مبشر علی زیدی نے نعرے کے عہد میں صحافت کی آبرو بڑھانے کا بیڑا اٹھایا ہے۔

mubashar-zaidi has 147 posts and counting.See all posts by mubashar-zaidi