حارث سہیل کی دورۂ زمبابوے ادھورا چھوڑ کر وطن واپسی


پاکستانی کرکٹ ٹیم کے بیٹسمین حارث سہیل بیٹی کی بیماری کی وجہ سے زمبابوے کا دورہ ادھورا چھوڑ کر وطن واپس آرہے ہیں۔

حارث سہیل نے پاکستانی کرکٹ ٹیم کی منیجمنٹ سے درخواست کی تھی کہ انھیں بیٹی کی بیماری کی وجہ سے وطن واپس جانے کی اجازت دی جائے جو منظور کرلی گئی ہے۔

بی بی سی کے نامہ نگار عبدالرشید شکور کے مطابق پاکستان کرکٹ بورڈ کے ترجمان کا کہنا ہے کہ ٹیم منیجمنٹ نے حارث سہیل کی جگہ کسی دوسرے کھلاڑی کو زمبابوے بھیجنے کی درخواست نہیں کی ہے۔

پی سی بی کے ٹوئٹر اکاؤنٹ پر یہ خبر دی گئی ہے کہ ‘ٹیم مینجمنٹ کی درخواست پر پی سی بی نے حارث سہیل کو گھر واپسی کی اجازت دے دی ہے۔’

جبکہ ٹوئٹر پر ہی بہت سے دوسرے صارفین نے حارث سہیل کی بیٹی کی جلد صحت یابی کی دعا کی ہے۔

پاکستانی کرکٹ ٹیم اس وقت زمبابوے میں پانچ ون ڈے انٹرنیشنل میچوں کی سیریز میں مصروف ہے جس کا تیسرا میچ بدھ کے روز بلاوائیو میں کھیلا جائے گا۔

پاکستانی کرکٹ ٹیم سیریز کے پہلے دو میچز جیت چکی ہے۔

حارث سہیل ان دونوں میچز میں نہیں کھیلے تھے البتہ وہ اسی دورے میں کھیلی گئی سہ فریقی ٹی ٹوئنٹی سیریز میں دو میچز کھیلے تھے لیکن زمبابوے کے خلاف وہ 16 اور آسٹریلیا کے خلاف صفر پر آؤٹ ہوگئے تھے۔


Facebook Comments - Accept Cookies to Enable FB Comments (See Footer).

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 32288 posts and counting.See all posts by british-broadcasting-corp