پیپلزپارٹی ورکروں کے لیے غیر اخلاقی الفاظ کے استعمال پہ پرویز خٹک کا بیان

عام انتخابات کے قریب آتے ہی سیاسی جماعتوں کی انتخابی مہم بھی تیز ہو گئی ہے جس دوران مخالفین پر سیاسی حملوں کیساتھ ساتھ اخلاقی حملے بھی شروع ہو گئے ہیں اور سوشل میڈیا پر کئی ویڈیوز وائرل ہیں جن میں سیاستدان کو مخالفین کیخلاف اخلاقیات سے گری زبان استعمال کرتے دیکھا جا سکتا ہے۔

پرویز خٹک نے سماجی رابطوں کی ویب سائٹ ٹوئٹر پر جاری اپنے پیغام میں لکھا ”میرے خلاف میڈیا پر چلنے والی ویڈیو ایڈیٹ کی گئی ہے۔ میں پیپلز پارٹی میں شامل ایک مخصوص شخص کی بات کر رہا ہوں جو ووٹ خریدنے کی کوشش کر رہا ہے اور میرے لوگوں کیلئے میرا یہ پیغام ہے کہ اپنا ووٹ بیچنا وطن سے غداری کے مترادف ہے۔میڈیا کو سچ دکھانا چاہئے، ایڈیٹ کئے ہوئے ویڈیو کلپس نہیں۔۔۔“