ابرارالحق کو جلسہ شروع ہوتے ہی مائیک سے کرنٹ لگ گیا


ابرار الحق انتخابی جلسے سے خطاب کررہے تھے،فوٹو: اسکرین گریب

ابرار الحق انتخابی جلسے سے خطاب کررہے تھے

تحریک انصاف کے رہنما و معروف گلوکار ابرارالحق کو انتخابی جلسے کے دوران کرنٹ لگ گیا۔

نارروال میں حلقہ این اے 78 سے پی ٹی آئی کے امیدوار ابرار الحق شرکاء سے مخاطب ہونے کے لیے اسٹیج پر موجود تھے کہ اور جیسے ہی انہوں نے تقریر شروع کی انہیں کرنٹ لگ گیا، ابرار الحق نے ابھی پہلا جملہ مکمل ہی کیا تھا  کہ ان کے ہاتھ میں مائیک سے انہیں کرنٹ لگا جس پر انہوں نے ایک جھٹکے سے مائیک پھینک دیا۔

سوشل میڈیا پر وائرل ہونے والی ویڈیو میں دیکھا جاسکتا ہے کہ ابرارالحق  کرنٹ  کے جھٹکے سے تھوڑے گھبرا گئے تاہم اپنے رویے سے شرکاء کو یہ محسوس کرانے میں کامیاب رہے کہ جیسے کچھ ہوا ہی نہیں، جس کی وجہ سے لوگ بھی اطمینان سے اپنی نشستوں پر بیٹھے رہے۔

بعدازاں ابرارالحق کو مائیک ٹھیک کرکے دیا گیا اور انہوں نے جلسے سے خطاب کیا۔


Facebook Comments - Accept Cookies to Enable FB Comments (See Footer).