یورپی ہیٹ ویو: درجۂ حرارت کا نیا ریکارڈ قائم ہونے کا خدشہ
یورپ بھر میں اس وقت سخت گرمی کا موسم ہے اور موسمی حالات کی پیشن گوئی کرنے والے ماہرین کا خیال ہے کہ آنے والے دنوں میں گرمی کا نیا ریکارڈ قائم ہو سکتا ہے۔
موجود ریکارڈ 48 ڈگری سینٹی گریڈ ہے جو یونان کے شہر ایتھنز میں 41 سال قبل جولائی 1977 میں ریکارڈ کیا گیا تھا۔
جنوبی سپین اور پرتگال میں ہفتے کو درجۂ حرارت 47 ڈگری تک پہنچنے کی توقع ہے۔
گرمی کی وجہ سے خشک دریا اور جھیلیوں کی تصاویر سامنے آئی ہیں اور یورپ بھر میں لوگ فواروں کے پاس کھڑے ہو کر گرمی مٹانے کی کوششیں کر رہے ہیں۔
سپین کے سرکاری ادارے نے گرمی کے حوالے سے خبردار کیا ہے اور وارننگ جاری کی ہے کہ اتوار تک ’ہیٹ ویو شدید اور دیرپا رہے گی۔‘
نیچے کی تصویر میں دیکھا جا سکتا ہے کہ سپین کے شہر سیویل میں ایک عورت فوارے کے ساتھ موجود ہے۔
پیرس میں ایفل ٹاور کے سامنے قائم ٹروکاڈیرو فوارے نے پیرس کے باسیوں اور سیاحوں کو کچھ گرمی سے بچاؤ کا احساس دیا۔
فرانس کے شہر مونٹ پیلئیر میں بھی شہریوں نے فواروں کا رخ کیا۔
اس شہر میں پیشن گوئی تھی کہ درجہ حرارت 33 ڈگری تک پہنچ جائے گا۔
فرانس کے جنوب میں واقع شہر نیس میں شہریوں نے ساحل کا رخ کیا اور سمندر میں ڈبکی لگا کر گرمی کا مقابلہ کیا۔
کئی لوگوں نے ساحل پر سورج کی حدت سے بچاؤ کے لیے ٹوپیاں پہنیں۔
جرمنی میں بھی خشک اور گرم موسم متوقع ہے اور شہر ڈسلڈروف میں دریائے رہایئن کے چند حصے خشک ہو گئے ہیں۔
جنوبی جرمنی میں دریائے ڈینیوب کے ساتھ بھی کچھ ایسا ہی ہوا۔
جرمنی کے شہر بیکُم میں فضا سے لی گئی تصویر میں دیکھا جا سکتا ہے کہ جھلسی ہوئی زمین کے ساتھ واقع پانی کے ذخیرے کے ساتھ بھینسں اپنی پیاس بجھا رہی ہیں۔
پولینڈ کے دارالحکومت وارسا میں شہریوں نے فواروں کا رخ کیا۔
شہر کے پولیس کے اہلکار شہریوں کو پانی کی بوتلیں تھماتے رہے۔
اٹلی کے شہر روم میں بھی ایسا ہی ہو رہا تھا اور شہریوں نے ہاتھ سے جھلنے والے پنکھے اپنے ساتھ رکھے ہوئے تھے۔
اٹلی نے ملک میں آنے والے سیاحتی مراکز روم، فلورنس اور وینس میں موسم کی سختی دیکھتے ہوئے خطرے کے لیے ریڈ الرٹ جاری کیا ہے۔
روم میں شہری دفاع کے اہلکاروں نے گرمی سے بلبلاتے لوگوں میں ٹھنڈے پانی کی بوتلیں تقسیم کیں۔
اس کے علاوہ پانی بانٹنے والی مشینیں بھی لگائی گئیں۔
.
- شیاؤمی: چینی سمارٹ فون کمپنی نے الیکٹرک کار متعارف کروا کر کیسے ٹیسلا اور ایپل دونوں کو ٹکر دی - 29/03/2024
- خسارے میں ڈوبی پاکستان کی قومی ایئرلائن کو ٹھیک کرنے کے بجائے فروخت کیوں کیا جا رہا ہے؟ - 29/03/2024
- غزوہ بدر: دنیا کی فیصلہ کن جنگوں میں شمار ہونے والا معرکہ اسلام کے لیے اتنا اہم کیوں تھا؟ - 29/03/2024
Facebook Comments - Accept Cookies to Enable FB Comments (See Footer).