عمران خان کا وزیراعظم بننا ملکی سالمیت اور وقار کے خلاف ہے؛ درخواست سماعت کیلیے منظور


عمران خان کا وزیراعظم بننا ملکی سالمیت اور وقار کے خلاف ہے، درخواست گزار
 کا موقف فوٹو:فائل

عمران خان کا وزیراعظم بننا ملکی سالمیت اور وقار کے خلاف ہے، درخواست گزار کا موقف

ہائی کورٹ نے چیئرمین تحریک انصاف عمران خان کو وزارت عظمٰی کا حلف لینے سے روکنے کے لیے  دائر درخواست سماعت کے لیے مقرر کردی۔

اسلام آباد ہائی کورٹ میں شہدا فاوٴنڈیشن کے سابق ترجمان حافظ احتشام کی طرف سے دائر درخواست میں وفاق، الیکشن کمیشن، اسپیکر قومی اسمبلی اور ریحام خان کو بھی فریق بنایا گیا ہے۔ درخواست کی سماعت اسلام آباد ہائی کورٹ کے جسٹس عامر فاروق پیر کو کریں گے۔

 درخواست میں موقف اختیار کیا گیا ہے کہ عمران خان کی سابقہ اہلیہ ریحام خان نے اپنی کتاب میں ان پر سنگین نوعیت کے الزامات عائد کیے ہیں، عمران خان نے اپنے کاغذات نامزدگی میں بھی اپنی بیٹی ٹیریان وائٹ کا ذکر نہیں کیا، عمران خان آئین کے آرٹیکل 62 کے تحت رکن قومی اسمبلی بننے کے اہل نہیں، ایسے شخص کا وزیر اعظم بننا ملکی سالمیت اور وقار کے خلاف ہے۔

درخواست گزار نے مزید کہا ہے کہ عدالت عالیہ وفاقی حکومت کو امریکی عدالت سے عمران خان سے متعلق ٹیریان وائٹ کا مکمل مصدقہ ریکارڈ پیش کرنے اور ریحام خان کو الزامات کے شواہد فراہم کرنے کا حکم دے۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں