الیکشن میں مبینہ دھاندلی؛ اب جمیعت علما اسلام (ف) کا دھرنا ہو گا


دیگر جماعتوں کو بھی دھرنے میں شرکت کی دعوت دی جائے گی، صوبائی امیر جے یو آئی (ف) . (فوٹو : فائل)

دیگر جماعتوں کو بھی دھرنے میں شرکت کی دعوت دی جائے گی، صوبائی امیر جے یو آئی (ف)

جے یو آئی (ف) نے حالیہ الیکشن میں مبینہ دھاندلی کے خلاف صوبے بھر میں احتجاج کا اعلان کردیا۔

جمعیت علماء اسلام (ف) کی مجلس شوریٰ کا پشاور میں اجلاس ہوا جس میں جے یو آئی کے سربراہ مولانا فضل الرحمان نے خصوصی طور پر شرکت کی اور نومنتخب ارکان اسمبلی بھی شریک ہوئے۔

اجلاس میں 8 اگست کو صوبے بھر میں اہم شاہراہوں پر دھرنا دینے کا فیصلہ کیا گیا جو صبح سے شام تک جاری رہے گا۔ فیصلے کے مطابق جنوبی اضلاع میں انڈس ہائی وے کو مختلف مقامات پر بند کیا جائے گا، ملاکنڈ، صوابی اور سوات میں بھی دھرنے دیئے جائیں گے جب کہ پشاور میں موٹر وے اور پاک افغان شاہراہ پر بھی دھرنا دینے کا فیصلہ کیا گیا ہے۔

جمعیت علماء اسلام (ف) خیبر پختون خوا کے امیر مولانا گل نصیب کا کہنا ہے کہ احتجاج کے لیے دیگر اپوزیشن جماعتوں کو بھی شرکت کی دعوت دی جائے گی۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں