عام انتخابات جیتنے کے بعد سے کپتان کے فیصلوں کا اندازا لگانا مشکل ہوگیا؛ قریبی دوست بھی لاعلم


عمران خان بہترین وزیراعلی کی تلاش میں ہیں جب کہ امیدواروں کی لمبی قطار ہے فوٹو:فائل

عمران خان بہترین وزیراعلی کی تلاش میں ہیں جب کہ امیدواروں کی لمبی قطار ہے

چیرمین پی ٹی آئی عمران خان کے لئے پنجاب میں وزیراعلی کی نامزدگی بڑا چیلنج بن گئی ہے۔

پاکستان تحریک انصاف کو پنجاب میں اکثریت تو حاصل ہوگئی ہے تاہم وزیراعلی کا نام فائنل نہ ہوسکا۔ تحریک انصاف کے مطابق اسے پنجاب میں 186 ارکان کی حمایت حاصل ہوچکی ہے۔ پی ٹی آئی کو عددی اکثریت حاصل ہوئے پانچ روز ہوچکے ہیں لیکن اب تک وزیراعلی کا نام سامنے نہ آیا۔

ذرائع کے مطابق عمران خان سب سے بڑے صوبے میں بہترین وزیر اعلی کی تلاش میں ہیں جب کہ وزارت اعلیٰ کے خواہشمند رہنماؤں کی لمبی قطار ہے۔ وزیراعلی کی دوڑ میں علیم خان، فواد چوہدری، سبطین خان، ڈاکٹر یاسمین راشد، میاں اسلم اقبال، یاسر ہمایوں شامل ہیں۔

عمران خان کے فیصلے سے اس بار پارٹی رہنما اور قریبی دوست بھی لاعلم ہیں۔ پی ٹی آئی ذرائع کے مطابق عام انتخابات جیتنے کے بعد سے کپتان کے فیصلوں کا اندازا لگانا مشکل ہوگیا ہے۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں