انڈیا کے زیرِ انتظام کشمیر میں شدت پسندوں اور فوج میں جھڑپیں میں، چار فوجی ہلاک


شدت پسندوں سے جھڑپیں

Getty Images
شدت پسند مبینہ طور پر گوریز سیکٹر میں گھسنے کی کوشش کر رہے تھے۔

انڈیا کے زیرِ انتظام کشمیر کے علاقے باندی پورہ میں فوج اور شدت پسندوں کے درمیان جھڑپوں میں چار انڈین فوجی ہلاک ہوگئے۔

ہلاک ہونے والوں میں ایک افسر بھی شامل ہے، جبکہ دو شدت پسند بھی فائرنگ کے تبادلے میں مارے گئے۔

انڈین فوج کے ترجمان راجیش کالیا نے بی بی سی کے ماجد جہانگیر کو بتایا کہ شدت پسند مبینہ طور پر لائن آف کنٹرول کی دوسری جانب سے گوریز سیکٹر میں گھسنے کی کوشش کر رہے تھے۔

انڈین فوج کے مطابق ہلاک ہونے والوں میں میجر کے پی رانے، حوالدار جمی سنگھ، حوالدار وکرم جیت اور رائفل مین مندیپ شامل ہیں۔

یہ بھی پڑھیے

کشمیر میں ریاست اور شدت پسند دونوں کے پاس کوئی راستہ نہیں

اقوام متحدہ کی رپورٹ، کشمیر میں تشدد روکنے پر زور

شدت پسندوں سے جھڑپیں

Getty Images
وادی گوریز سرینگر سے تقریباً 170 کلومیٹر دور پاکستان اور انڈیا کے بارڈر پر واقع ہے۔

باندی پورہ پولیس کے ایس پی ذوالفقار آزاد نے بی بی سی کو بتایا کہ پیر کی شب گوریز کے علاقے میں فائرنگ کا تبادلہ پیش آیا۔

یہیں کے ڈپٹی کمشنر شہید اقبال چوہدری نے اپنے ٹویٹر اکاؤنٹ پر لکھا: ’گوریز میں جنگ بندی کے معاہدے کی خلاف ورزی‘۔

وادی گوریز سرینگر سے تقریباً 170 کلومیٹر دور پاکستان اور انڈیا کے درمیان واقع لائن اف کنٹرول پر واقع ہے۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 4900 posts and counting.See all posts by british-broadcasting-corp