سعودی عرب میں اب نمازی مبلغوں کو ’ریٹ‘ کر سکیں گے


سعودی عرب

AFP

سعودی حکام کا کہنا ہے کہ وہ ایک موبائل فون ایپ تیار کر رہے ہیں جس سے مسجدوں میں دیے جانے خطبوں کی مانیٹرنگ کی جائے گی اور نمازیوں کو یہ معلوم ہو سکے گا کہ مبلغ کا خطبہ مزید کتنا چلے گا۔

سعودی وزارتِ اسلامی امور کے وزیر عبداللطیف الشیخ کا کہنا ہے کہ اس ایپ سے مسجدوں کی مانیٹرنگ کی جا سکے گی اور خطبے کی طوالت اور معیار کے بارے میں معلومات حاصل ہوں گی۔

سعودی عرب میں گلوکار کو گلے لگانے پر خاتون گرفتار

سعودی عرب میں ’مذہبی مبلغ سفر الحوالی گرفتار‘

اگرچہ ابھی یہ واضح نہیں ہے کہ کون مسجدوں میں دیے جانے والے خطبوں کی مانیٹرنگ کرے گا لیکن خیال ظاہر کیا جا رہا ہے کہ نمازی بھی مبلغ کو ریٹ کر سکیں گے۔

سعودی عرب

AFP

واضح رہے کہ سعودی عرب میں مذہبی تعلیمات میں اصلاحات لانے پر غور کیا جا رہا ہے۔ سعودی عرب اس بات پر بھی بحث جاری ہے کہ خطبوں کے مواد کو یکساں کیا جائے تاکہ ’غیر ملکی یا اخوان المسلمین‘ کے نظریے سے لوگوں کو دور کیا جا سکے۔

سعودی وزیر برائے اسلامی امور کا کہنا ہے کہ مذہب کو استعمال کر کے لوگوں کے ذہنوں کے ساتھ نہیں کھیلنا چاہیے اور نہ ہی ملک کی سکیورٹی اور اسحکام پر سمجھوتہ کرنا چاہیے۔

یاد رہے کہ سعودی عرب نے اخوان المسلمین کو 2014 میں دہشت گرد تنظیم قرار دے دیا تھا۔

خطبوں کی ایپ سے قبل سعودی عرب ایک اور ایپ متعارف کرا چکے ہیں جس سے سعودی عرب کے باشندے اور سیاح سب ہی حکومتی کارکردگی کو ریٹ کر سکتے ہیں۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 5681 posts and counting.See all posts by british-broadcasting-corp