انٹرنیشنل ریلیشنز مقابلہ حسن نہیں ہے جہاں گھسے پٹے ’دنیا میں امن‘ کے ڈائلاگ ہوں: جواد ظریف


جواد

AFP

ایران کے وزیر خارجہ جواد ظریف نے کہا ہے کہ دنیا کو زور زبردستی کر کے ایران کا تیل خریدنے سے روکے جانے کے امریکی صدر ڈونلڈ ٹرمپ کا ناممکن ہے۔

ایرانی اخبار سے بات کرتے ہوئے انھوں نے کہا واشنگٹن تہران کو تیل کی برآمد سے نہیں روک سکتا۔

انھوں نے ایک ٹویٹ میں امریکی صدر ڈونلڈ ٹرمپ کے ’چڑچڑے پن اور ٹویٹس‘ کا بھی مذاق اڑایا۔

ٹرمپ کی ایران سے تجارت کرنے والے ممالک کو دھمکی

’دھمکیوں اور توجہ حاصل کرنے کا حربہ نہیں چلے گا‘

’ایران نے آبنائے باب المندب بند کی تو فوج تعینات کریں گے‘

تین باہمی دشمنوں کے ساتھ چین نے تعلقات کیسے بنائے؟

یاد رہے کہ ٹرمپ نے منگل کو ایران پر دوبارہ پابندیاں عائد کرنے کے بعد ٹویٹ میں ایران کے ساتھ تجارت کرنے والوں کو خبردار کیا تھا۔

جواد ظریف نے ٹویٹ میں کہا کہ ’چڑچڑاہٹ اور ٹویٹس سے یہ حقیقت تبدیل نہیں ہو سکتی کہ دنیا اب امریکی سے تنگ آ چکی ہے۔ امریکی تجارت کو ختم کرنا اور ہزاروں امریکی نوکریاں ختم کرنا تو ہمیں سمجھ آتا ہے لیکن دنیا اضطراری ٹویٹس کے مطابق نہیں چلے گی۔ پوچھ لو یورپی یونین، روس، چین اور درجنوں دیگر تجارتی پارٹنرز سے۔‘

twitter

Twitter

جواد ظریف نے ایرانی اخبار کو انٹرویو میں کہا کہ ٹرمپ انتظامیہ کا مقصد ہے کہ ایران کی تیل کی برآمدات صفر کر دی جائیں جو کہ بالکل ’بے معنی‘ اور ’ناممکن‘ ہے۔

انھوں نے کہا کہ جن ممالک کے ساتھ امریکہ اس وقت مذاکرات کر رہا ہے انھوں نے امریکہ کو بتا دیا ہے کہ وہ ایران سے تیل خریدتے رہیں گے۔

وزیر خارجہ نے مزید کہا کہ یورپی طاقتیں جن کا کہنا ہے کہ 2015 کا ایٹمی معاہدہ ٹھیک ہے وہ دیگر ممالک سے کہہ رہی ہیں کہ ایران سے تیل خریدتے رہیں اور اس وقت بھی خریدیں جب امریکہ کی جانب سے نئی پابندیاں بھی لگ جائیں۔

ڈالر

AFP
اپریل سے اب تک ایرانی کرنسی کی قدر میں 50 فیصد تک کمی آئی ہے

جواد ظریف کا مزید کہنا تھا کہ یورپی طاقتیں دوسرے ممالک کو اس بات کی بھی ترغیب دے رہی ہیں کہ وہ اپنے اپنے بینکوں میں ایران سینٹرل بینک کے اکاؤنٹس کھولیں۔

’اس وجہ سے امریکہ اب تنہا ہو گیا ہے۔‘

وزیر خارجہ جواد ظریف نے ایک اور ٹویٹ میں ’یاد دہانی: انٹرنیشنل ریلیشنز مقابلہ حسن نہیں ہے جہاں گھسے پٹے ’دنیا میں امن‘ کے ڈائلاگ ہوں۔ اور یہ پہلی بار بھی نہیں کہ جنگ کا حامی یہ دعویٰ کر رہا ہو کہ وہ جنگ ’دنیا میں امن‘ کے لیے کر رہا ہے۔‘

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 4858 posts and counting.See all posts by british-broadcasting-corp