طالب علم کی جگہ خود امتحان دینے پر استاد گرفتار


Burundi's Education Minister Janvière Ndirahisha confronts Mr Manirambona

BBC
ہیڈ استاد بنیامین کو کمرہ امتحان سے پکڑا گیا

افریقی ملک برونڈی میں ایک ہیڈ استاد کو ہی طالب علم کی جگہ امتحان دیتے ہوئے پکڑا گیا ہے۔ استاد طالبِ علم کے روپ دھارے کمرا امتحان میں موجود تھے۔

ہوا کچھ یوں کہ پولیس نے خفیہ اطلاع پر کمرہ امتحان پر چھاپا مارا تو وہاں ہیڈ استاد بیٹھے امتحان دے رہے تھے۔

اُن کا پتہ لگانے کے لیے سادہ کپڑوں میں اہلکار رات سے سکول میں موجود تھے لیکن جب کمرہ امتحان میں انھیں رنگے ہاتھوں پکڑا گیا تو ٹیکنیکل کالج کے ہیڈ نے کسی دوسرے کی جگہ پرچے دینے کے الزام کو مسترد کیا۔

اس بارے میں جاننے کے لیے مزید پڑھیے

’ہائی ٹیک‘ نقل کرانے والا استاد پکڑا گیا

نقل کرتے پکڑے جانے کے بعد طالبہ کی خودکشی

الجزائر میں نقل روکنے کے لیے انٹرنیٹ سروس بند

اُن کا پتہ لگانے کے لیے سادہ کپڑوں میں اہلکار رات سے سکول میں موجود تھے لیکن جب کمرہ امتحان میں انھیں رنگے ہاتھوں پکڑا گیا تو ٹیکنیکل کالج کے ہیڈ نے کسی دوسرے کی جگہ پرچے دینے کے الزام کو مسترد کیا۔

بنیامین منارمبونا نے بتایا کہ وہ صومالیہ میں تعینات امن فورس کے ایک اہلکار کی جگہ الیکٹراونکس کا پرچہ دے رہے تھے۔

انھوں نے کہا کہ طالب علم یونیورسٹی سے فارغ التحصیل ہونا چاہتا ہے۔

ہیڈ استاد نے بتایا کہ امن فورس کے سپاہی نے برونڈی واپس آنے پر انھیں پرچہ دینے کے عوض رقم دینے کا وعدہ کیا ہے۔

برونڈی کی وزیر تعلیم بھی کمرہ امتحان چھاپہ مارنے والی ٹیم کے ساتھ تھیں۔

وزیر تعلیم نے کہا کہ ‘آپ جو بتا رہے ہیں وہ سچ نہیں ہے۔’

انھوں نے کہا کہ ‘ہم آپ کی تفتیش کریں گے کیونکہ ہماری اطلاعات کے مطابق آپ نے پہلی مرتبہ یہ نہیں کیا ہے۔’

وزیر تعلیم کے ساتھ ساتھ صحافی بھی موجود تھے۔

Benjamin Manirambona is taken a way in the back of a pick-up

BBC
وہ اس وقت پولیس کی حراست میں ہیں

ہیڈ استاد کو تین دوسرے طلبا کے ساتھ حراست میں لیا گیا، اُن پر امتحان میں نقل کرنے کا الزام ہے۔

ہیڈ استاد بنیامین اس وقت پولیس کی حراست میں ہیں۔

برونڈی میں اہم امتحانات کے دورانِ امتحانی مراکز دوسری سکولوں میں بنتے ہیں۔ یہی وجہ ہے کہ کمرہ امتحان میں ہیڈ استاد بنیامین کو کوئی پہچان نہیں سکا۔

image_pdfimage_print
Comments - User is solely responsible for his/her words


اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

بی بی سی

بی بی سی اور 'ہم سب' کے درمیان باہمی اشتراک کے معاہدے کے تحت بی بی سی کے مضامین 'ہم سب' پر شائع کیے جاتے ہیں۔

british-broadcasting-corp has 6001 posts and counting.See all posts by british-broadcasting-corp