عمران خان نے عارف علوی کو صدر پاکستان بنانے کا فیصلہ کر لیا؟
پاکستان تحریک انصاف کے چیئرمین اور وزیراعظم کے نامزد امیدوار عمران خان نے عارف علوی کو صدر پاکستان کے عہدہ کے لئے نامزد کرنے کا اصولی فیصلہ کرلیا۔ نجی ٹی وی کے مطابق عارف علوی کو جو حال ہی میں این اے 247 سے رکن قومی اسمبلی منتخب ہوئے ہیں انہیں صدر پاکستان بنایا جائے گا۔ پی ٹی آئی کے سربراہ نے سینئر رہنماؤں کےساتھ مشاورت کےبعد یہ فیصلہ کیا جس کا باقاعدہ اعلان جلد کیا جائے گا۔
واضح رہے موجودہ صدر ممنون حسین کے عہدہ کی مدت 8 ستمبر کو ختم ہورہی ہے۔ نئے صدر کا انتخاب آئندہ ماہ کے پہلے عشرہ میں متوقع ہے ۔عارف علوی کی نامزدگی کا اعلان شیڈول جاری ہوتے ہی کر دیا جائے گا۔ ذرائع کے مطابق پارٹی میں اعلیٰ سطح پر عارف علوی کو عہدہ صدارت کے لئے نامزد کئے جانے کے فیصلے کو سراہا گیا ہے۔
Latest posts by نیوز ڈیسک (see all)
Facebook Comments - Accept Cookies to Enable FB Comments (See Footer).