وزیر داخلہ کی رچرڈ اولسن سے ملاقات: ایف سولہ معاملے پر تحفظات سے آگاہ کیا


\"chپاکستان اور افغانستان کے لیے امریکی نمائندہ خصوصی رچرڈ اوولسن نے امریکی سفیر کے ہمراہ اسلام آباد میں وزیر داخلہ چوہدری نثار سے ملاقات کی ، ملاقات میں دو طرفہ تعلقات پر تبادلہ خیال کیا گیا جبکہ وزیر داخلہ نے ایف سولہ طیاروں کی فراہمی کے معاملے پر پاکستان کے تحفظات سے آگاہ کیا۔ وزیر داخلہ نے کہا کہ پاکستان چاہتا ہے کہ معاملات بات چیت کے ذریعے طے ہوں اور پاکستان کی خود مختاری کو ملحوظِ خاطر رکھا جائے۔ پاکستان اور افغانستان کے لیے امریکی نمائندہ خصوصی رچرڈ اوولسن نے کہا کہ کچھ مسائل کے باوجود امریکی حکومت پاکستان سے تعلقات کو مزید وسعت دینا چاہتی ہے۔ ملاقات میں خطے کی مجموعی بالخصوص افغانستان کی صورتحال پر تبادلہ خیال کیا گیا۔ رچرڈ اوولسن نے افغان مفاہمتی عمل میں پاکستان کی کوششوں کو سراہا۔


Comments

'ہم سب' کا کمنٹس سے متفق ہونا ضروری نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔

اسی بارے میں: ۔  داعش کی حمایت کا الزام: برطانوی مبلغ انجم چوہدری مجرم قرار