ایشین گیمز: فٹبال میں پاکستان کی 44 سال بعد پہلی کامیابی
انڈونیشیا میں جاری ایشین گیمز 2018 کے فٹبال مقابلوں میں پاکستان نے نیپال کو 2-1 سے شکست دی کر 44 سال بعد ایشین گیمز کے کسی فٹبال میچ میں کامیابی حاصل کی ہے۔
اتوار کو انڈونیشیا کے شہر بیکاسی میں گروپ ڈی کے کھیلے گئے میچ میں نیپال کو 11 ویں منٹ میں شہباز یونس کے اون گول کی بدولت سبقت حاصل ہوگئی۔
تاہم دوسرے ہاف میں پاکستان نے بہتر کھیل کا مظاہرہ کیا اور میچ کے 55ویں منٹ میں پاکستان کی جانب سے محمد بلال نے گول کر کے سکور برابر کر دیا۔
میچ کا فیصلہ کن گول میچ کے 72 منٹ میں صدام حسین نے پینلٹی کک پر کیا اور پاکستان کو 2-1 کی برتری حاصل ہوگئی جو میچ کے اختتام تک برقرار رہی۔
یہ بھی پڑھیں!
’فٹبال کی ترقی حکومتی مداخلت ختم کیے بغیر ممکن نہیں‘
’پاکستانی فٹبال کے معاملات کو ٹھیک کرنا ایک بڑا چیلنج‘
فیفا نے پاکستان فٹبال فیڈریشن کی رکنیت معطل کر دی
پاکستان کی ایشین گیمز 2018 میں یہ پہلی فتح تھی اور تین میچ کھیلنے کے بعد گروپ ڈی میں اس کی اب تیسری پوزیشن ہے۔
ایشین گیمز میں پاکستان کی فٹبال ٹیم کا آغاز متاثر کن نہ تھا۔ 14 اگست کو اسے ویتنام کے ہاتھوں 3-0 اور 16 اگست کو جاپان سے 4-0 سے شکست کا سامنا ہوا تھا۔
https://twitter.com/FootballPak/status/1031133006256201730
پاکستانی ٹیم کی 44 سال بعد ایشین گیمز میں فتح کی گونج سوشل میڈیا پر بھی سنائی دی اور کرکٹر حسن علی سمیت بہت سے افراد نے اس پر خوشی کا اظہار ٹوئٹر پر کیا۔
https://twitter.com/RealHa55an/status/1031204602547527680
https://twitter.com/IsbUnited/status/1031139404864204801
https://twitter.com/theafcdotcom/status/1031182717306761216
خیال رہے کہ پاکستان نے ایشین گیمز میں فٹبال مقابلوں میں اب تک صرف تین میچوں میں کامیابی حاصل کی ہے۔ اس سے قبل پاکستان نے سنہ 1954 میں فلپائن کے دارالحکومت منیلا میں اور سنہ 1974 میں تہران میں منعقدہ ایشین گیمز میں ایک، ایک میچ میں کامیابی حاصل کی تھی۔
سنہ 2002 میں ایشین گیمز کے فٹبال مقابلوں میں شرکت کے اصول و ضوابط میں تبدیلی کی گئی تھی۔ اب صرف تین سینیئر کھلاڑی ٹیم کا حصہ بن سکتے ہیں جبکہ بقیہ کھلاڑیوں کی عمر 23 سال یا اس سے کم ہونا لازمی ہے۔
- مبینہ امریکی دباؤ یا عقلمندانہ فیصلہ: صدر ابراہیم رئیسی کے دورہ پاکستان کے دوران ’ایران، پاکستان گیس پائپ لائن‘ منصوبے کا تذکرہ کیوں نہیں ہوا؟ - 23/04/2024
- گردوں کی آٹھ عام بیماریوں کی علامات کیا ہوتی ہیں؟ - 23/04/2024
- برطانیہ پناہ کے خواہشمند غیر قانونی تارکین وطن کو روانڈا کیوں بھیج رہا ہے؟ - 23/04/2024
Facebook Comments - Accept Cookies to Enable FB Comments (See Footer).