حکومت اداروں کو تحفظ فراہم کرے: شیری رحمان


\"sheriپاکستان پیپلز پارٹی کی رہنما شیری رحمان نے کہا ہے کہ چارسدہ یونیورسٹی پر حملہ قابل مذمت ہے، نیشنل ایکشن پلان کو فعال بنانے کی ضرورت ہے، باچا خان یونیورسٹی پر حملہ کے حوالے سے وفاقی اور صوبائی حکومت کو جواب دینا پڑے گا۔
پارلیمنٹ ہاوس کے باہر میڈیا سے گفتگو کرتے ہوئے پیپلز پارٹی کی رہنما شیری رحمان نے کہا کہ نیشنل ایکشن پلان کو فعال بنانے کےلئے ایوانوں اور ہر فورم پر آواز اٹھا رہے ہیں، لوگوں کی جانیں خطرے میں ہیں، لوگوں کی شہادتوں پر سیاست نہیں کرنا چاہتے لیکن خیبرپختونخوا حکومت اداروں کو تحفظ کیوں نہیں فراہم کر رہی اور اتنے حساس علاقے اور بڑی یونیورسٹی کو سکیورٹی کیوں نہیں فراہم کی گئی۔
انہوں نے کہا کہ چارسدہ میں باچا خان یونیورسٹی کے واقعہ کے حوالے سے وفاقی حکومت اور صوبائی حکومت کو جواب دینا پڑے گا، نیشنل ایکشن پلان کے عملدرآد کے حوالے سے آج تک بریفنگ نہیں دی گئی، نیشنل ایکشن پلان کےلئے سب کچھ دیا اور بنیادی حقوق تک سلب کرائے لیکن کیا صلہ مل رہا ہے۔

image_pdfimage_print

Comments - User is solely responsible for his/her words

اگر آپ یہ سمجھتے ہیں کہ ”ہم سب“ ایک مثبت سوچ کو فروغ دے کر ایک بہتر پاکستان کی تشکیل میں مدد دے رہا ہے تو ہمارا ساتھ دیں۔ سپورٹ کے لئے اس لنک پر کلک کریں

One thought on “حکومت اداروں کو تحفظ فراہم کرے: شیری رحمان

  • 20/01/2016 at 4:58 pm
    Permalink

    بلکل اسی طرح جس طرح پی پی پی نے اپنے دوراقتدار میں تمام اداروں کو میزائل پروف بنایا تھا.

Comments are closed.