پرامن پاکستان کے حصول کے لیے مزید کام کرنا ہو گا: آرمی چیف


\"army\"آرمی چیف جنرل راحیل شریف نے کہا ہے کہ دہشت گردی کے خلاف آپریشن ابھی ختم نہیں ہوا، پرامن اورخوشحال پاکستان کا حتمی مقصد حاصل کرنے کیلئے مزید کام کرنا ضروری ہے۔
کمانڈ اینڈ اسٹاف کالج میں خطاب کرتے ہوئے آرمی چیف جنرل راحیل شریف نے کہا کہ دہشت گردی اورانتہا پسندی بین الاقوامی مسئلہ ہے، پاکستان دہشت گردی اور انتہا پسندی کیخلاف جنگ لڑنے کیلئے پرعزم ہے، دہشت گردی کے خلاف آپریشن ابھی ختم نہیں ہوا، پرامن اور خوشحال پاکستان کا حتمی مقصد حاصل کرنے کیلئے مزید کام ضروری ہے۔ انہوں نے مزید کہا کہ ضرب عضب میں پاک فوج عملی آپریشن کے بعد انٹیلی جنس اور کومبنگ آپریشن کر رہی ہے، دنیا کی کوئی بھی فوج پاک فوج کی طرح چیلنجز کا مقابلہ نہیں کر پائی۔ انہوں نے مزید کہا کہ انہیں پاک فوج جیسی متحرک فوج کی کمانڈ پر فخر ہے۔


Comments

'ہم سب' کا کمنٹس سے متفق ہونا ضروری نہیں ہے۔ کمنٹ کرنے والا فرد اپنے الفاظ کا مکمل طور پر ذمہ دار ہے اور اس کے کمنٹس کا 'ہم سب' کی انتظامیہ سے کوئی تعلق نہیں ہے۔