مائیکرو سافٹ سروسز میں کمزور پاس ورڈ قابل قبول نہیں ہو گا


pass wordمائیکروسافٹ سروسز میں کمزور پاس ورڈ بنانا ممکن نہیں ہو گا اب صرف منفرد اور مضبوط پاس ورڈ ہی قبول کیا جائے گا۔
آئے دن لاکھوں آن لائن اکاو¿نٹس ہیک ہو جاتے ہیں۔ اکثر اس کی وجہ صارفین کے کمزور پاس ورڈ ہوتے ہیں۔ لیکن سوچنے کی بات یہ ہے کہ ویب سروسز آسان پاس ورڈ بنانے کی اجازت ہی کیوں دیتی ہیں۔ تحقیق کے مطابق سال 2015 میں سب سے زیادہ استعمال ہونے والا پاس ورڈ 123456 تھا۔ اگر ویب سروسز یہ پاس ورڈ رکھنے کی اجازت ہی نہ دیں تو لاکھوں اکاو¿نٹس ہیک ہونے سے بچ سکتے ہیں۔ یہی وجہ ہے کہ اب مائیکروسافٹ نے اس حوالے سے سنجیدہ قدم اٹھانے کا فیصلہ کر لیا ہے۔
زیادہ تر صارفین آسان پاس ورڈ منتخب کرتے ہیں تاکہ اسے یاد رکھ سکیں یہی نہیں بلکہ وہ اپنے کئی اکاو¿نٹس کا پاس ورڈ بھی ایک جیسا رکھتے ہیں۔ سبھی پاس ورڈ کی اہمیت جانتے ہوئے بھی اس معاملے میں احتیاط نہیں برتتے۔ ہر سال لیک ہونے والے پاس ورڈز کا مکمل ڈیٹا جاری ہوتا ہے جس سے ہیکرز کو دوسروں کے پاس ورڈز کا اندازہ لگانے میں مزید مدد ملتی ہے جب کہ صارفین اس حوالے سے خبردار ہونے کی بجائے بدستور وہی پاس ورڈز استعمال کرتے رہتے ہیں۔ اس لیے مائیکروسافٹ سروسز میں اب مزید کمزور پاس ورڈ منتخب کرنے کی اجازت نہیں ہو گی۔
مائیکروسافٹ سروسز میں ایسا فیچر شامل کیا جا رہا ہے جو انٹرنیٹ پر لیک شدہ پاس ورڈز کے بارے میں باخبر رہے گا۔ اگر صارفین کوئی ایسا پاس ورڈ منتخب کرنے کی کوشش کریں گے جو پہلے ہی انٹرنیٹ پر موجود ہو گا تو اس کی اجازت نہیں دی جائے گی۔ مشکل پاس ورڈ منتخب کرنے کے لیے یہ فیچر صارفین کو تنگ نہیں کرے گا بلکہ صرف پاس ورڈ کا موازنہ پہلے سے موجود اپنے ڈیٹا بیس سے کر کے یہ فیصلہ کرے گا کہ پاس ورڈ منفرد ہے یا نہیں۔ اس طرح صارفین کو ہر حال میں مشکل پاس ورڈ بنانا ہو گا۔


Comments

FB Login Required - comments