حضرت فاطمہ ؓ سے بات ہوئی ہے؛ عمران خان کی اہلیہ نے کس سے یہ کہا ؟ سہیل وڑائچ کا انکشاف


” حضرت فاطمہ ؓ سے بات ہوئی ہے ، انہوں نے آپ کی دعا قبول کر لی ہے اور ۔۔۔“ عمران خان کی اہلیہ بشریٰ عمران نے کس سے یہ کہا ؟ سہیل وڑائچ کا انکشاف جان کر ہر پاکستانی کے ہوش اڑ جائیں گے

 

نجی ٹی وی جیونیوز کے سینئر صحافی و کالم نگار سہیل وڑائچ نے ’ یہ روحانی دنیا ہے ‘ کے نام سے اپنا کالم شائع کیاہے جس میں انہوں نے بشریٰ بی بی کی روحانیت کے بارے میں گفتگو کی اور ایک انتہائی حیران کن واقعہ بھی سنایاہے ۔

تفصیلات کے مطابق سہیل وڑائچ نے اپنے کالم میں لکھا کہ بشریٰ بی بی بابا فرید کی تعلیمات کی سالک و مرید ہیں۔ جب بشریٰ بی بی کا دل خود پھرا تو ان کی روح میں ایمان کی روشنی سرایت کرگئی، ان کا باطن روشن ہوگیا۔ دنیا انہیں کاٹ کھانے کو دوڑنے لگی تو وہ جوتے اتار کر ننگے پاﺅں لاہور سے پیدل ہی پاک پتن روانہ ہوگئیں۔ وارفتگی کے اس ایک ہی سفر نے روحانیت کے دروازے ان پر وا کردیئے، ان کی دعا میں تاثیر پیدا ہوگئی اور ان کی ہدایت میں روحانیت در آئی۔بشریٰ عمران کو بابا فریدؒ کے وسیلے سے روحانی دنیا میں وہ درجہ حاصل ہوگیا ہے کہ وہ مستجاب الدعوات بن گئی ہیں۔ احسن جمیل اقبال کے نانا بھی ولی اللہ تھے احسن جمیل کو جگر کی بیماری ہوئی تو جگر کی تبدیلی کے لئے امریکہ میں پورا ایک سال مقیم رہے، مگر ویٹنگ لسٹ بہت لمبی تھی۔ ایک روز بشریٰ بی بی سے بات ہوئی تو احسن جمیل نے بتایا کہ فہرست بہت لمبی ہے دعا کریں۔ بی بی بشریٰ عمران نے دوسرے ہی دن جوابی فون کیا اور کہا کہ حضرت فاطمہ ؓسے درخواست کی ہے اور انہوں نے آپ کے لئے دعا قبول کرلی ہے۔ احسن جمیل اقبال کے بقول دوسرے ہی دن انہیں فاطمہ نامی خاتون نے فون کر کے کہا فوراً ہسپتال پہنچیں آپ کا جگر ٹرانسپلانٹ کرنا ہے۔ احسن جمیل اقبال اسے حسن اتفاق سمجھنے کو تیار نہیں اور نہ ہی روحانی دنیا کا کوئی اور شخص۔ اسے ہی تو کرامت کہتے ہیں۔


Facebook Comments - Accept Cookies to Enable FB Comments (See Footer).